Ол эрээри юридическай өттүнэн олох атын ис хоһоонноохтор, уратылаах докумуоннар.
Быраап көһүүтэ
Кэриэс сурукка баай-дуол бас билээччи өлбүтүн эрэ кэннэ бэриллэр, оттон бэлэхтээһиҥҥэ хаһаайын тыыннааҕар да бэриллэр.
Баайы-дуолу ааҕыы
Бэлэхтээһин дуогабарыгар бэлэҕи чопчулуур булгуччу. Оттон кэриэс сурукка уопсай тылынан этиэххэ сөп. Холобур: «Бас билэр баайбын-дуолбун барытын...».
Суруллуута
Кэриэс суругу нотариус бигэргэтэрэ булгуччулаах. Оттон бэлэхтээһини баҕарар буоллахтарына эрэ нотариуска бигэргэтиэххэ сөп. Дьиҥэр, судургутук бэлэхтээччи уонна ылааччы суругунан эбэтэр тылынан бэйэ-бэйлэригэр хардары мэктиэлиэхтэрин эмиэ сөп.
Хааччахтааһыннар
Бэлэхтээччи тугунан даҕаны хааччахтаммат: тугу баҕарар кимиэхэ баҕарар биэриэн сөп.
Оттон кэриэс сурукка “ирдэнэр өлүү” көрүллүөхтээх: өскөтүн сокуоннай сааһын туола илик оҕотугар эбэтэр үлэлиир кыаҕа суох кэргэнигэр нэһилиэстибэ хаалларарыттан аккаастанар буоллаҕына, сокуон син биир кинилэргэ өлүү бэриллэрин ирдиир.
Уларыйыылар
Кэриэс суругу хаһан баҕарар уларытыахха эбэтэр көтүрүөххэ сөп. Оттон бэлэҕи төнүннэрэргэ дьоһуннаах биричиинэ баар буолара ирдэнэр, ону суут эрэ быһаарар.
-
0
-
0
-
0
-
0
-
0
-
0
