Ол курдук Кырыым Өрөспүүбүлүкэтин хара муоратааҕы кытылыгар турар Аю-Даг хайа тэллэҕэр Арассыыйа 89 эрэгийэннэриттэн уонна 32 тас дойдуларта 4000 ордук кыттааччы уонна ыалдьыт муһуннулар. Оҕо өрөспүүбүлүкэтин төрөөбүт күнүн бэрт далааһыннаахтык, киэҥ бырагыраамалаах тэрийдилэр.
Үбүлүөйдээх бырааһынньык бастакы тэрээһиннэрэ бэс ыйын 12 күнүттэн -- Арассыыйа күнүттэн саҕалаан утуу-субуу ыытылла тураллар. 
Хас биирдии күн тус-туспа тиэмэлээх, араас хайысхаларынан оҕо аймаҕы интэриэһиргэтэрдии ыытыллаллар. Ол иһигэр, Арассыыйа норуоттарын култуураларын уонна үгэстэрин көрдөрдүлэр, «Доҕорбор кинигэ» Бүттүүн Арассыыйатааҕы аахсыйанан Новороссия, Донецкай уонна Луганскай норуодунай өрөспүүбүлүкэлэрин оскуолаларын бибилэтиэкэлэригэр кинигэлэри бэлэхтээтилэр.
Бырааһынньык кульминациятынан бүгүн ыытыллар тэрээһиннэр буолуохтара. Оҕо саас баһылаабыт былаһааккаларынан 56 локациянан тарҕанан, сылдьан үгүс интэриэһинэй түгэннэри көрүөххэ сөп буолуоҕа. Киэһэтин “Артек-Арена” кэнсиэртиир комплекс сыанатыгар “Оҕо саас суолунан 100 сыл” историческай мюзикл премьерата элбэх кэрэ түгэннэри бэлэхтиэҕэ.
Хаартыскалар «Артек» норуоттар икки ардыларынааҕы оҕо киинин пресс-сулууспатыттан
-
2
-
0
-
0
-
0
-
0
-
0
