Издательский дом Редакция Подписка
Погода в Якутске: . -32 oC

Ааспыт нэдиэлэҕэ килиимэт уларыйыытын, ирбэт тоҥ ириитин боппуруостарын дьүүллэһиигэ Дьокуускайга аан дойдутааҕы научнай-практическай кэмпириэнсийэ буолан ааста. Ону сырдата кэлбит омук суруналыыстарыттан биирдэстэрэ иҥнигэһэ суох бэрт ыраастык нууччалыы саҥарар.

Ааспыт нэдиэлэҕэ килиимэт уларыйыытын, ирбэт тоҥ ириитин боппуруостарын дьүүллэһиигэ Дьокуускайга аан дойдутааҕы научнай-практическай кэмпириэнсийэ буолан ааста. Ону сырдата кэлбит омук суруналыыстарыттан биирдэстэрэ иҥнигэһэ суох бэрт ыраастык нууччалыы саҥарар.

Монголияттан сылдьар этническай казашка Вершин Иваново куоракка олохтоох университеты бүтэрбитэ, онон нууччалыы холкутук кэпсэтэр. Кини этэринэн, Монголияҕа килиимэт уларыйан, кыһын -50С эрээри, хаар түспэт эбит, оттон сайын сылаас күннэр 1-1,5 ыйынан бүтэн хаалаллар, күһүн эрдэ кэлэр буолбут. Кумах куйаарга үүнээйи тиийбэтиттэн сылтаан, салгын кураанах, дойду Бэрэсидьиэнэ Ухнаагийн Хурэлсух кэлэр 10 сыл иһигэр 1,5 мөл. мас олордорго сыал-сорук туруорбут.

«Арассыыйаҕа аҕыс сыл буолан баран кэллим, олох таһыччы уларыйбыт, ордук сыана ыараабыта киһи хараҕар быраҕыллар. Монголияттан сөмөлүөттэр Дьокуускайга быһа көппөттөр, ол иһин Стамбул, Москва нөҥүө эргийэн кэллим.

Күн бүгүн Монголияҕа суруналыыс идэтэ улахан хамнастаах престижнэй идэлэр ахсааннарыгар киирбэт. Хамнас баара-суоҕа 250-300 дуоллар (19 250-23 100 солк.), ол иһин үгүстэр политиктарга, судаарыстыбаҕа эбии үлэлииллэр. Орто хамнас 450 дуоллар (34 650 солк.).

Биһиэхэ ас-таҥас сыаната эмиэ наһаа ыараата. Онон эбии дохуота суох киһи биир үлэни өрө тутан, дьиэ кэргэҥҥин ииппэккин, эбии үлэ буллаххына биирдэ киһилии олороҕун. Суруналыыстар бары оннук кэтэх үлэлээхпит, биллэн турар, хас да үлэни эккирэтэ сылдьан, үлэҕин ыксал быыһыгар оҥороҕун, ол хаачыстыбаҕа эмиэ охсор», — диэн кэпсиир. 

Аттыбытыгар турар Индия, Вьетнам суруналыыстарын кытта нууччалыы-английскайдыы кыайан өйдөспөккө, сатаан кэпсэппэтибит. Ыраах айантан сылайбыттар быһыылаах, тылбаасчыт да нөҥүө кэпсэтэртэн аккаастаннылар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением