"Мосфильм. Золотая коллекция" телеканал ыыппыт куоластааһынын түмүгүнэн, дьон-сэргэ ордук сэбиэскэй кэмҥэ уһуллубут киинэлэри сэҥээрэр эбит. Ол курдук, "В бой идут одни старики" дыраама бу ыйытыкка саамай элбэх куолаһы хомуйда. Лүөччүктэр дьылҕаларын туһунан киһини долгутар, уйадытар лиэнтэни көрөөччү араас көлүөнэтэ сөбүлээн көрөр. Киинэ дьоруойдарын бэргэн этиилэрин күннээҕи олоххо билигин да истиэххэ сөп. Бу киинэ Арассыыйа уонна аан дойду кинематографиятын устуоруйатыгар суолтата олус улахан.
Станислав Ростоцкай Борис Васильев «А зори здесь тихие...» айымньытынан байыаннай дыраамата норуот рейтининэн иккис миэстэ буолла. Ростоцкай хартыынатыгар зенитчица кыргыттар хорсун быһыыларын, дьоруойдуу өлүүлэрин туһунан кэпсэнэр. Субу оскуоланы бүтэрбит кыргыттар өлөллөрүн киһи харах уута суох кыайан көрбөт.
Рейтинг үһүс миэстэтигэр Сергей Бондарчук «Они сражались за Родину» киинэтэ таҕыста. Киинэҕэ боростуой саллааттар туох баар кыахтарынан төрөөбүт дойдуларын көмүскүүллэрэ көстөр.
- 0
- 0
- 0
- 0
- 0
- 0