Оҕо сынньалаҥа уонна чэбдигириитэ улуус иһинэн үлэлиир лааҕырдарга, маны тэҥэ анал квотанан норуоттар икки ардыларынааҕы уонна Арассыыйа «Артек», «Орленок», «Океан», «Смена» оҕо кииннэригэр ыытыллыа.
Сайыҥҥы сынньаныыны тэрийэр Абый улууһун лааҕырдарын реестрэ бигэргэммит, улуус үөрэнээччилэрин 70% хабыа. Сүрүн болҕомто социальнай өттүнэн харысхала суох, ыарахан олох очурдарыгар оҕустарбыт дьиэ кэргэннэр оҕолоругар ууруллуо.
Былырыын сайыҥҥы сынньалаҥынан 587 үөрэнээччи хабыллыбыт эбит буоллаҕына (52,6%), быйыл 532 оҕо хабыллыа (60%).
Үбүлээһин бигэргэммит, 2023 сылга 2 278 005,40 солкуобай ууруллубут (Өрөспүүбүлүкэ бүддьүөтүттэн – 1195735, олохтоох бүддьүөттэн - 1 082270,40 солкуобай). Маны тэҥэ, анал байыаннай эпэрээссийэ кыттыылаахтарын оҕолорун сайыҥҥы кэмҥэ сынньатарга Өрөспүүбүлүкэ бүддьүөтүттэн 468238,00 , олохтоох бүддьүөттэн 9365,00 солкуобай көрүллүбүт.
“Аартыка оҕолоро” бырайыагынан сыл ахсын Краснодарскай уонна Приморскай кыраай санаторийдарыгар уонна федеральнай кииннэригэр оҕолор сынньана барар кыахтаахтар. Быйыл Абый улууһугар оннук квотанан 19 миэстэ көрүллүбүт. Үбүлээһини федеральнай субсидия уйунар.
Хаартыска: Абый улууһун үөрэҕэриигэ управлениетын саайтыттан
- 0
- 0
- 0
- 0
- 0
- 0