“Российская газета” суруйарынан, маркировкалаһын ирдэбилин эспэримиэнэ 2025 сыл күһүҥҥүтүттэн киирбит. Ирдэбил олоххо киириитин түмүктүүр болдьоҕо быйыл муус устар 30 күнүгэр олохтоммут. Бу кэмҥэ диэри маркировката суох тутуу матырыйаалларын атыылыыр көҥүллэнэрэ. Ыам ыйыттан хааччахтар киириэхтэрэ, маркировката суох атыылааһын иһин административнай эппиэтинэс сүктэриллиэн сөп.
Санатан эттэххэ, тутуу матырыйаалларыгар сыыппара маркировкалааһынын эспэримиэнэ 2024 сыл сааһыгар саҕаламмыта. Ол кэмҥэ цемент, кураанах тутуу буккаастарын, кабель бородууксуйатын уонна ититии тэриллэрин маркировкалааһын саҕаламмыт. Бу туһунан тутуу министиэристибэтин уопсастыбаннай Сэбиэтин эспиэрэ, тутуу матырыйаалларын уонна тутуу индустриятын оҥорон таһаарааччыларын национальнай түмсүүлэрин чилиэнэ Игорь Прудников эппит.
Былаан быһыытынан, эспэримиэн 2025 сыл кулун тутан 1 күнүгэр түмүктэнэн, ирдэбиллээх маркировка киириэхтээх эбит. Ол эрэн, тутуу матырыйаалларыгар маркировкалааһын уустуга, бородууксуйа тутатына тутуу эбийиэгэр тиэрдиллэрэ бэлиэтэммит. Аны туран, маркировка бэлиэтэ ханна суруллуохтааҕа, алдьаммакка, хаарыллыбака тиийиэхтээҕэ кэмиэ кэккэ боппуруостары үөскэппит. Онон сиэттэрэн, эспэримиэн түмүктүүр болдьоҕун уларыппыттар.
-
0
-
0
-
0
-
0
-
0
-
0
