Оҕолоох ийэлэргэ тургутук болдьоҕун бобуу
Балаҕан ыйын 1 күнүттэн үлэ биэрээччилэр үс саастарыгар диэри оҕолоох ийэлэргэ тургутук (испытательный срок) болдьоҕун олохтууллара бобуллар. Бу быраабыла ийэтэ суох иитэр дьоҥҥо эмиэ тарҕанар. Урут маннык балтараа саастарыгар диэри оҕолоох ийэлэргэ эрэ баара.
Өскөтүн үлэ биэрээччи син биир дуогабарга тургутук усулуобуйатын киллэрдэҕинэ, ол көтүрүллүөҕэ. «Тургутугу ааспата» диэн үлэһити ууратар эмиэ табыллыбат.
Оҕолоох дьиэ кэргэттэргэ ипотека сынньалаҥа
Дьиэ кэргэҥҥэ иккис уонна онтон кэлэр оҕо төрөөтөҕүнэ эбэтэр ииттэ ыллахтарына, балаҕан ыйын 1 күнүттэн ипотека сынньалаҥын туһаныахтара.
Чэпчэтиилээх болдьох уһуна 6-тан 18 ыйга диэри болдьохтоох. Нуорма урут түһэрсиллибит дуогабардарга эмиэ тарҕанар, өскөтүн заемщик сокуон күүһүгэр киирбитин кэннэ чэпчэтиини көрдөөтөҕүнэ. Сынньалаҥ кэмигэр иэс ылааччы төлөбүрү тохтотуон эбэтэр кээмэйин кыччатыан сөп. Маны оҥорторорго бааҥҥа сайабылыанньаны уонна оҕо төрөөбүтүн туһунан сибидиэтэлистибэни эбэтэр иитэ ылыллыбытын туһунан докумуоннары туттарыахха наада. Докумуон чопчу испииһэгэ баантан тутулуктаах, эрдэттэн чуолкайдаабыт ордук.
Хаартыска: Голиковтар дьиэ кэргэн архыыбыттан
-
0
-
0
-
0
-
0
-
0
-
0
