Издательский дом Редакция Подписка
Погода в Якутске: . -29 oC

Бүгүн, алтынньы 29 күнүгэр, сэбиэскэй кэмнээҕи ыччат бүттүүнүн кэриэтэ иитиллибит уопсастыбаннай тэрилтэтэ - Ленинскэй комсомол - төрөөбүт күнэ. 

Бүгүн, алтынньы 29 күнүгэр, сэбиэскэй кэмнээҕи ыччат бүттүүнүн кэриэтэ иитиллибит уопсастыбаннай тэрилтэтэ - Ленинскэй комсомол - төрөөбүт күнэ. 

Бу ССРС-ка ыччаты иитиигэ аналлаах саамай бөдөҥ уонна көдьүүстээх  үлэлээх  уопсастыбаннай тэрилтэ буолара. Билиҥҥи ыччат төрөппүттэрэ, аҕа көлүөнэ дьон бары даҕаны Ыччат Бүтүн Сойуустааҕы Ленинскэй Коммунистическай Сойууһун (ЫБСЛКС) чилиэттэрэ этилэр. Комсомолга  14 сааһын туолбут оҕоттон саҕалаан,  ЫБСЛКС Устаабын билэр уонна ону тутуһарга бэлэм ыччат ылыллара. Комсомолецтар түөстэригэр пролетариат сирдьитэ В.И.Ленин төбөлөөх комсомольскай значоктаах буолаллара.

Комсомолецтар судаарыстыба тутула, экономиката, култуурата  уонна дойду нэһилиэнньэтин олоҕун уйгута бары өртүнэн сайдыытыгар, ССРС-ка  социализмы тутууга сүдү оруоллаахтара. Гражданскай уонна Аҕа дойду Улуу сэриитигэр геройдуу охсуспуттара. Дойду туох баар баараҕай тутуулара кинилэр күүстэринэн барара.

9a1a094b 24fa 48cc b711 95d93ee929ad

Комсомол бэйэтин чилиэннэрин, ыччаты дойдуга ытыктабыл, таптал, бэриниилээх буолуу уонна доҕордоһуу  тыыныгар иитэрэ. Ол кэмнэрдээҕи комсомолецтар оччотооҕу  иитиилэрин сабыдыалынан,  бүгүн даҕаны  бары эйгэҕэ үлэ-хамнас үөһүгэр инники кирбиигэ сылдьаллар, үтүө суобастаахтык уонна таһаарыылаахтык үлэлииллэр. Кинилэр иитиллибит комсомольскай тэрилтэлэрин туһунан үтүө өйдөбүлү сүрэхтэригэр куруук иҥэринэн сылдьаллар, мэлдьитин махтаналлар, ахталлар-саныыллар.

4db1470c bc0f 4284 bde7 3a2276c5c3b7

Биир оннук киһинэн мин дьүөгэм, ГУП ДьУоКХ «Коммунтеплосбыт» филиалын Уус Алданнааҕы учаастагын начаалынньыга Любовь Семеновна Сивцева буолар. Кини эдэр сааһыгар «Дүпсүн» сопхуоска босхоломмут комсомольскай сэкирэтээринэн, ЫБСЛКС оройуоннааҕы кэмитиэтигэр учуот секторын сэбиэдиссэйинэн  ситиһиилээхтик үлэлээбитэ. Оччотооҕу Уус Алдан ыччатын биир чаҕылхай лиидэрэ этэ. Ол да иһин бэйэтин эдэр сааһын «суолдьут сулуһун» - комсомолун - ытыктыырын, киниэхэ махтанар бэлиэтин комсомолга аналлаах бэртээхэй коллекциятынан көрдөрөр.

6f70ae03 937a 4861 bfce bfa9cfd698ed

Любовь Семеновна мунньуунан үлүһүйбүтэ, дьарыктаммыта балачча буолла. Коллекционердар улуустааҕы «Умсулҕан» кулууптарын көхтөөх чилиэнэ. Сүрүннээн комсомол уонна Өктөөп өрөбөлүүссүйэтин  туһунан үгүс матырыйааллардаах: значоктары, открыткалары уонна кинигэлэри мунньар. Тоҕо диэтэххэ, кини бэйэтэ ийэ, эбэ буолан туран, ыччаттарга аҕа көлүөнэ дьон, чуолаан, хос-хос эһэлэриттэн эбэлэригэр тиийэ олорбут олохторун уонна дойдуларын историятын билиэхтээхтэр диэн бириинсиптээх.

db744319 e91e 4a0a b452 288dee1692cb

Ол да иһин бу коллекциятын оскуола оҕолоругар, ыччакка уонна нэһилиэнньэҕэ көрдөрөр, кэпсиир. Онуоха үөрэнээччилэр интэриэстэрин тартаҕына, оҕолор сэҥээрдэхтэринэ олус үөрэр  уонна эдэр көлүөнэ историяны билэригэр туһалаах дьыаланы оҥорорун өссө төгүл итэҕэйэр.

9528695a dd5b 41e6 921a 2f23234ab110

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением