Издательский дом Редакция Подписка
Погода в Якутске: . -12 oC

Саха Сиригэр успуорт уонна физкултуура сайдыытыгар хамсааһын 100 сылын көрсө, Нам улууһун Түбэй нэһилиэгэр П.Попов сырдык кэриэһигэр элбэх көрүҥҥэ өрөспүүбүлүкэтээҕи «Үрүҥ Уолан – 2023» күрэх буолан ааста. Тэрээһиҥҥэ Намтан, Кэбээйиттэн, Усуйаанаттан, Ленскэйтэн, Мэҥэ-Хаҥаластан, Уус Алдантан, Бүлүүттэн, Горнайтан, Хатастан уонна Дьокуускайтан барыта 36 бөҕөс кыттыыны ылла.  

Саха Сиригэр успуорт уонна физкултуура сайдыытыгар хамсааһын 100 сылын көрсө, Нам улууһун Түбэй нэһилиэгэр П.Попов сырдык кэриэһигэр элбэх көрүҥҥэ өрөспүүбүлүкэтээҕи «Үрүҥ Уолан – 2023» күрэх буолан ааста. Тэрээһиҥҥэ Намтан, Кэбээйиттэн, Усуйаанаттан, Ленскэйтэн, Мэҥэ-Хаҥаластан, Уус Алдантан, Бүлүүттэн, Горнайтан, Хатастан уонна Дьокуускайтан барыта 36 бөҕөс кыттыыны ылла.  

Түбэй нэһилиэгин дьоно-сэргэтэ күрэҕи үрдүк таһымнаахтык тэрийэннэр, түмсүүлээхтэрин, сомоҕолоһуулаахтарын, чөл-чэгиэн олоххо сыаллаах-соруктаах үлэлээхтэрин уонна успуорт сайдыытын 100 сылын көрсө сүдү кылааттарын киллэрэллэрин көрдөрдүлэр. Күрэххэ Хатас нэһилиэгиттэн үүнэн иһэр үс ыччат олус ситиһиилээхтик кытынна.  Күрэхтэһии биэс көрүҥҥэ буолла: үс куобах, тутум эргиир, хапсаҕай, мас тардыһыы уонна кууллаах сүүрүү. Хас биирдии успуорт көрүҥүн түмүгүнэн сыаналаах бириистэр туттарылыннылар.

0b57b272 70d5 41c6 b6f3 1240e96080b5

Ол курдук,  үс куобахха 1 миэстэни Иван Степанов (бириис – телевизор. Нам улууһун баһылыга Слепцов Ю.И. туруорда), 3 миэстэни Айлан Николаев (бириис - муусука колонката) ыллылар. Хапсаҕайга 3 миэстэ Иван Степанов (бириис – электрическай эрбии), мас тардыһыыга 2 миэстэ Владислав Корякин (бириис – убайдыы-бырааттыы Эверстовтар туруорбут 12 тыһ. солк. уонна чаһыы), 3 миэстэ Иван Степанов (бириис – күлүүс набора) буоллулар. Кууллаах сүүрүүгэ 1 миэстэҕэ Айлан Николаев (бириис – ЧОП «Тайфун» генеральнай дириэктэрэ Евгений Харитонов туруорбут телевизора), 2 миэстэҕэ Владислав Корякин (бириис – күлүүс набора), 3 миэстэҕэ Иван Степанов (бириис – лобзик) тигистилэр.

8736f59f 5e9c 4f6a b259 b6ba48025902

Тыҥааһыннаах киирсиилэр түмүктэринэн, «Муҥутуур кыайыылаҕынан» ДьПК устудьуона Иван Степанов (Хатас) буолла. Киниэхэ Поповтар дьиэ кэргэттэрэ туруорбут 50 тыһ. солк. бириэмийэ туттарылынна, ону тэҥэ Николай Поповтан саха быһаҕа уонна кур, Түбэ нэһилиэгин настаабынньыктарыттан сахалыы дэйбиир, кыл харысхала туттарылынна. Үс муҥутуур кыайыылаахтарга биир куул Үрүҥ Күөл Эбэ соботун туттардылар.

970613f7 259c 4379 81a1 89ec0afb6c3a

Тэрээһин үрдүк таһымнаахтык, биир тыынынан буолан ааста. «Дыгын оонньуулара» үс муҥутуур кыайыылааҕа – Юрий Эверстов, Николай Дьяконов, Иван Белолюбскай тэрээһиҥҥэ кыттыбыттара кыттааччыларга төһүү күүс уонна долгутуулаах түгэнинэн буолла. Кыттааччылар өрөспүүбүлүкэ үрдүнэн оҕолорго ыытыллар тэрээһиннэр таһымнарын үрдэтиигэ төһүү кылааттарын иһин махтал тылларын анаатылар.

Инникитин даҕаны ««Үрүҥ Уолан – 2023» кыттааччыларын маннык күрэхтэргэ көрүөхпүт диэн эрэнэбит. Урукку сыллар кыайыылаахтара Василий Дедов, Артем Варданян,  Антон Тойтонов, Роман Заровняев, Охлопков Дьулус уонна Вячеслав Дьяконов курдук «Дыгын оонньууларын» чаҕылхай чыпчаалларын дабайыахтара» диэн алгыс тылбытын аныыбыт.

  • 4
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением