Бу бачыымы көҕүлээтилэр -- нэһилиэкпит баһылыга Пётр Ваильевич Андросов уонна "Добун" эр дьон түмсүүтэ.
Бырайыак сыала-соруга: уолаттары эт-хаан, өй-санаа өттүнэн сайыннарыы, патриотизм тыыныгар иитии.
Оскуолабыт бары уолаттара уонна нэһилиэкпит эр дьоно 3 хамаандаҕа арахсан күрэхтэстилэр: хапсаҕайга уонна спортивнай- байыаннай куоталаһыыга (тардыныы, анньыныы, сыалы ытыы, уһуну ыстаныы, канат тардыһыыта, сахалыы остуол оонньуулара).
Кулун тутар 20 күнүгэр хамаандалар, Сергучевтар дьиэ кэргэн бааһынай хаһаайыстыбаларыгар тиийэн, быйыл нэһилиэк күүһүнэн тутуллубут улахан хотон хаарын түһэрэн көмөлөстүлэр.
Оруобуна ол күн Сергучевтарга ынах төрөөн, саҥа ньирэй күн сирин көрбүтэ.
Ыйдарынан үлэ итинник хааман иһэр. Уолаттар маны таһынан үөрэххэ, бэрээдэккэ, ааҕыыга, хаһыаты сурутууга эмиэ куоталаһаллар.
Бу бырайыак ахсынньы ыйга түмүктэнэр. Бастаабыт хамаанда Кубогынан наҕараадаланар.
Маннык бырайыак оҕону дьулуурдаах, хорсун, патриот, бар дьон иннигэр эппиэтинэстээх буола улаатарыгар үөрэтэр дии саныыбын.
Диана Аргунова
"Бэдьимэ кэскилэ" лиидэрэ
-
0
-
0
-
0
-
0
-
0
-
0
