Саха сирин предпринимателлэрэ!
Саха өрөспүүбүлүкэтин Бырабыыталыстыбатын уонна тус бэйэм ааппыттан өрөспүүбүлүкэ урбаанньыттарын, Эһигини, идэлээх бырааһынньыккытынан эҕэрдэлиибин!
Арассыыйа үрдүнен урбаанньыттар күннэрэ 13 сылын бэлиэтэнэр. Соторутааҕыта олохтоммут бырааһынньык олоххо көхтөөх дьылабыай дьон өҥөлөрүн билинэр бырааһынньыгынан буолар. Экэниэмикэ ырыынагын усулуобуйатыгар урбаанньыт дьоҕургутунан Саха сиригэр олох таһыма тупсарыгар кылааккытын киллэрэҕит.
Саха сирин бырабыыталыстыбатын сүрүн үлэлэриттэн биирдэстэринэн урбаан секторын сайыннарыы буолар. Биһиги өрөспүүбүлүкэбитигэр бу эйгэҕэ уонтан тахса тыһыынча киһи үлэлиир. Орто уонна аччыгый биисинэс субъектарын үлэтин судаарыстыбанан салайыыга уонна судаарыстыба өйөбүлүн тиһигин тупсарыыга бары миэрэлэр ылыныллаллар. Оттон урбаанньыттар бэйэлэрэ былааһы кытта кэпсэтиигэ көхтөөхтүк кытталлар, сэргэх быһаарыылары көҕүлүүллэр.
Өрөспүүбүлүкэҕэ урбаан салаатын сайыннарар соруктаах “Орто уонна аччыгый биисинэс уонна урбаанньыттар көҕүлээһиннэрин өйөөһүн” национальнай бырайыак иһинэн биэс бырайыагы олоххо киллэриигэ биисинэс уонна былаас биир санаанан күүскэ үлэлэһэр.
Төһө да уустук күннэр-дьыллар турбуттарын иһин, социальнай эппиэтинэстээх биисинэс бэрэстэбиитэллэрэ коронавирус ыарыы тарҕанарын утары үлэҕэ бииргэ туруннулар. Босхо көмөлөһө сылдьар хампаанньаларга улахан махталбытын тиэрдэбит.
Кытаанах доруобуйаны, дьолу уонна үлэҕитигэр ситиһиини, уйгуну, эрэллээх партнердары уонна бигэ дохуоту баҕарабын!
-
0
-
0
-
0
-
0
-
0
-
0
