М.К.Аммосов аатынан Хотугулуу Илиҥҥи федеральнай университет уопсайдарыгар устудьуоннары атырдьах ыйын 21 күнүттэн саҕалаан киллэрбиттэрэ. Сайын устатыгар 14 уопсайга өрөмүөн үлэтэ ыытыллан, сууйуллан-сотуллан устудьуоннары көрсөргө бэлэмнэр.
Билиҥҥи туругунан 1000-тан тахса ыччат уопсайдаларга киирэн, оннуларын буллулар. Бу нэдиэлэҕэ үгүс устудьуон киирэрин кэтэһэллэр. Быйылгы үөрэх дьылыгар 6 000 кэриҥэ устудьуону уопсай дьиэнэн хааччыйарга былаанныыллар. Мантан 1,5 тыһыынча миэстэтин маҥнайгы куурус ыччатыгар аныахтара.
Степан Павлов, М.К.Аммосов аатынан ХИФУ устудьуоннар уопсай дьиэлэрин салайааччыта:
– Уопсайга киирии боппуруоһа локальнай балаһыанньаларынан ыытыллар. Устудьуоннар социальнай балаһыанньалара учуоттанар: бастакынан тулаайах, төрөппүт көрүүтэ-истиитэ суох хаалбыт оҕолор хааччыллаллар. Онтон бастакы, иккис группалаах инбэлииттэр, байыаннай дьайыылар кыттыылаахтара, бэтэрээннэрэ ылыллаллар.
-
0
-
0
-
0
-
0
-
0
-
0
