Екатерина Портнягина: «Оппут кэллэ!»
Издательский дом Редакция Подписка
Погода в Якутске: . -48 oC

Ааспыт сайын уһуннук, дохсуннук түспүт ардахтартан Дьааҥы өрүс уонна кини салаалара Дулҕалаах, Сартаҥ, Адьыаччы өрүстэр таһынан таһымнааннар, Дьааҥы улууһугар тоҕус нэһилиэнньэлээх пуун уонна оттуур ходуһа 80 %-на ууга былдьаммыта.

Ааспыт сайын уһуннук, дохсуннук түспүт ардахтартан Дьааҥы өрүс уонна кини салаалара Дулҕалаах, Сартаҥ, Адьыаччы өрүстэр таһынан таһымнааннар, Дьааҥы улууһугар тоҕус нэһилиэнньэлээх пуун уонна оттуур ходуһа 80 %-на ууга былдьаммыта.

Улуус саамай бөдөҥ хаһаайыстыбата «Тымныы Полюһа» кэпэрэтиип бэйэтин иһинэн тэриммит «Алгыс» кэпэрэтиибин 200-чэкэ сүөһүтүн кыстатар отун хааччыйар туһуттан хаар түһүөр диэри оттообута итиэннэ киин улуустартан эбии от атыыласпыта. Кэпэрэтиип салайааччыта Екатерина Портнягина маннык кэпсээтэ.

– Сайын устата ардаҕы быыһынан оттоон, кыстыыр оппут үс гыммыттан биирин, ол эбэтэр 130 туоннаны хааччыммыппыт уонна Мачах, Остуолба ыалларыттан 67 туоннаны атыыласпыппыт. Ол оппут, хата, кыһыҥҥы суол аһыллыар диэри тиийдэ, сүөһүбүтүн аччыктаппатыбыт. Бэҕэһээ, тохсунньу 17 күнүгэр, Дьокуускайтан биир нэдиэлэ устата айаннаан, 36 туонна оту тиэйбит үс массыына кэллэ! Тиэйэр-таһар ороскуотун Тыа хаһаайыстабытын министиэристибэтэ уйунна. Хаҥалас улууһун «Бөртө» сылгы собуота» хааччахтаммыт эппиэтинэстээх хаһаайыстыбаттан (салайааччы Александр Павлов) 200 туонна оту атыыласпыппыт. Онтон ити бастакы сырыыга кэлбит 36 туонна оту таһынан сэтинньигэ Алтайтан атыыласпыт 16 туонна гранулаламмыт оппут кэллэ, тиэйэр-таһар ороскуотун «Якутопторг» толуйда. Онон сүөһүлэрбит барахсаттары этэҥҥэ кыстатар буоллубут диэн үөрэн аха олоробун. Ил Дархан Айсен Николаевка, Бырабыыталыстыбаҕа, Тыа хаһаайыстыбатын министиэристибэтигэр, «Якутопторг», «Бөртө» хаһаайыстыбаларга истиҥ махталбытын биллэрэбит. 

  • 5
  • 0
  • 0
  • 0
  • 1
  • 1

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Сэргээ

Моника

Университекка экэниэмикэҕэ лиэксийэ ааҕарын таһынан, Сандал Николаевич бастакы…
28.01.23 17:54