Кэнники байыаннай сулууспалаахтарга, кинилэр сакаастарынан, флисовай таҥаһы уонна атах таҥаһын, пикап массыынаны ыларга, үс анал байыаннай эпэрээссийэ кыттыылааҕын дьиэ кэргэттэригэр матырыйаалынай көмөҕө, пикап массыынаны аналлаах сиригэр тиэрдэргэ уонна Москваттан СВО зонатыгар тиийэргэ тырааныспар өҥөтүгэр уопсайа 1 мөл. 300 тахса тыһ. солк. барбыт.
Бу күннэргэ Ньурба улууhун баһылыга Алексей Иннокентьев уо.д.а. СВО зонатыгар тиийэн, илдьибит пикаптарын, рацияларын, квадрокоптердарын, тепловизордарын уо.д.а. биир дойдулаахтарыгар туттардылар.
Чуолкайдыыр буоллахха, көмө фондатыгар 2022 сылга 3,5 мөл.тахса солк. киирэн, ааспыт сылга 500-чэкэ тыһ. солк. ороскуоттаммыт. Быйыл 200 тыһ. тахса солк. киирбит, ол иһигэр “Кооператор” ХЭТ-тэн, “Агроснаб” тэрилтэттэн, итиэннэ улуус уһуйааннара үҥкүү марафоннарыттан киллэрбит үптэрин биэрэн кыттыспыттар.
Ньурба тыйаатыра олунньу 25 к. буолаары турар “Син-биир буолбаат?» испэктээгэр киирэр үп эмиэ анал байыаннай эпэрээссийэ фондугар барыаҕа.
-
0
-
0
-
0
-
0
-
0
-
0
