Өрөспүүбүлүкэ үрдүнэн ыытылла турар “Өксөкүлээх сардаҥата” тэрээһиҥҥэ Өксөкүлээх сыдьааннара, улуус уопсастыбаннаhа, оскуола үөрэнээччилэрэ кыттыылаах буолла. А.Е. Кулаковскай - Өксөкүлээх Өлөксөй сиэнэ Рива Реасовна Кулаковская “Таатта” литературнай-уус-уран түмэлгэ баар эһэтин балаҕаныттан тымтык тыыран, көмүлүөк оттон, уот саҕан аҕалыытыттан уонна Алампа аатынан Ытык-Күөллээҕи 1 нүөмэрдээх орто оскуола үөрэнээччилэрин хоһоон ааҕыыларыттан үөрүүлээх тэрээһин саҕаланна.
Улуус баһылыга М.М. Соров, ыччат лиидэрэ И.Ф. Иванов, Дьохсоҕон орто оскуолатын дириэктэрэ В.Д. Петрова улахан суолталаах тэрээһин ыытылла турарынан эҕэрдэлээтилэр, кини эппит тылларынан өрөспүүбүлүкэ сайдыыта бара турарын, ыччат дьон олоҕу олорууга, сыһыаҥҥа холобур оҥостоллоругар туһаайдылар. Рива Реасовна эһэтин аата үйэттэн үйэҕэ тыыннанан иһэрин, эһэтэ “Оттоку олох алгыһын” ыччакка анаабытын, Өксөкүлээхтии олороллоругар, Өксөкүлээхтии сайдалларыгар ыҥырда.
-
5
-
1
-
0
-
0
-
0
-
0
