Төрүт көрүҥ сайдыытын түстүүр күрэсчиттэр, сыл устата күүстээх дьарыгы ааһан, кыайыы-хотуу өрөгөйүн билэн, Оонньуулар устуоруйаларыгар үйэлэргэ киирдилэр. Бу ыытыллыбыт Манчаары оонньууларыгар кыттыбыт хас биирдии ыспарсымыан кыайыы иһин дьулуһуута, булгуруйбат санаата, тириэнэр бөҕө тирэҕэ, өйөбүлэ, салайааччы сатабыллаах дьаһала, кэпсэтиитэ, олохтоохтор үтүө быһыылара, көмөлөрө, Тааттабыт аатын дорҕоонноохтук ааттатта.
Тэрээһин Таатта улууһун физическай культураҕа уонна успуорка салаайааччыта Андрей Сидоров дакылаатыттан, Таатта улууһун баһылыга Айаал Бурцев эҕэрдэтиттэн саҕаланна. Салгыы улуус баһылыга Айаал Семенович кыайыылаахтарга сэртипикээттэри туттарда. Онтон Саха Өрөспүүбүлүкэтин физическай культураҕа уонна успуорка миниистири бастакы солбуйааччы Гаврил Мохначевскай, Баһылай Манчаары аатынан күрэс төрүт көрүҥнэрин сайыннарар киин салайааччытын солбуйааччыта Иван Борисов таатталары үрдүк тэрээһин иһин эҕэрдэлээн туран, сыл устата ситимнээх, таһаарыылаах үлэни ыыппыт улууспут олохтоохторун, тэрилтэ салайааччыларын эҕэрдээлээтилэр уонна Манчаары ооннууларын салайбыт Саха Өрөспүүбүлүкэтин Бырабыталыстыбатын бэрэссэдээтэлин солбуйааччытын Сергей Местников махтал суруктарын туттардылар. Биир бэлиэ түгэнинэн улуус нэһилиэктэрин баһылыктарын, улуус успуорка федерацияларын бэрэссэдээтэллэрин эҕэрдэтэ, урбаанньыттар анал бирииһи туруоруулара буолла.
Бу күн таатталар өрөгөй күннэринэн, ылыммыт дьыаланы биир санаанан тэрийии, ыытыы курдук улахан эппиэтинэһи чиэстээхтик толорбуттарын көрдөрөр тэрээһининэн буолла.
Норуот күүһэ-көмүөл күүһэ!
Вера КАНАЕВА, Таатта
-
4
-
0
-
0
-
0
-
0
-
0
