Эр дьон 6 түһүмэхтээх күрэххэ: мас суоруутугар, мас эрбээһинигэр, мас хайытыытыгар, ойбон алларыытыгар уонна кутаа оттон чэй оргутууга, сыал ытыытыгар (биатлоҥҥа) уонна баҕанаҕа ыттыыга илин-кэлин түһүспүттэр.
Уопсайа 5 түөлбэттэн хамаандалар турбуттар. “Кэскил” түөлбэттэн Шестаков Прокопий Иванович, Аммосов Максим (9 кылаас), “Кустук” түөлбэттэн Константинов Гаврил Егорович, Евсеев Антон (10 кылаас), “Мичил” түөлбэттэн Кузьмин Евгений, Кузьмин Марк (6 кылаас), “Сайдыы” түөлбэттэн Ильин Михаил Михайлович, Кузьмин Андрей (10 кылаас), “Үрүйэ” түөлбэттэн Ефремов Иннокентий Иннокентьевич, Иванов Витя (9 кылаас), ону тэҥэ зачету таһынан Окороков Трофим Константинович баҕа өттүнэн кытыннылар.
Курэхтэһии бэрт сэргэхтик ааста. Хас көрүҥ ахсын кыайыылаахтар тахсан, Болугур нэһилиэгин тэрилтэрэ туруорбут сертификаттарын туттулар. Уопсай түмүккэ 3 миэстэни «Сайдыы» түөлбэ ылан, олохтоох дьаһалта туруорбут 3 тыһ. солк. сертификатын туттулар, 2 миэстэлээх «Үрүйэ» түөлбэ 5 тыһ.солк. сертификатынан наҕараадаланна уонна күрэхтэһии кыайыылааҕа «Кэскил» түөлбэ 7 тыһ.солк. сертификатынан наҕараадаланнылар.
Бүтэһигэр Окороков Трофим Константинович Кузьмин Марикка, Константинов Гаврил Егоровичка саамай эдэр уонна саастаах кыттааччыларга бэйэтэ туруорбут бириистэрин туттартаата.
- 0
- 0
- 0
- 0
- 0
- 0