Бастыҥ бырайыактар бастакы 100 иһигэр киирэн, федеральнай өйөбүлү ылыахтара. Уон уһулуччу бырайыагы дойду Бэрэсидьиэнин иннигэр көмүскүөхтэрэ. Сиһилии инникилээх этиилэр ааҕыныстыбаларын уопсастабыннай бэрэстэбиитэлэ Роза Олесова билиһиннэрдэ. Бу туһунан ГТРК «Саха» иһитиннэрэр:
– 2030 сылга диэри күүстээх бырайыактар Национальнай стратегия бырагырааматыгар киирэллэр. Биһиги «Точка кипения» былаһааккаҕа киирбит бастакы бырайыактары көрөн саҕалаатыбыт. Дьүүллүүр сүбэҕэ СӨ Бырабыыталыстыбатын уонна уопсастыбыннай тэрилтэлэр экспердэрэ киирэллэр. Кинилэр бырайыагы салҕыы хайдах, ханна сайыннарарга сүбэлээн-амалаан биэриэхтэрэ. Саамай күүстээх идеялары таламмыт, СӨ Ил Дарханыгар Айсен Николаевка көрдөрүөхпүт. Ол кэннэ өрөспүүбүлүкэбит чиэһин көмүскүү федеральнай былаһааккаҕа ыытыахпыт.
Санаттахха, пуорумҥа барыта 1000 этиини сүүмэрдиэхтэрэ. Мантан 100 саамай интэриэһинэй уонна кэскиллээх бырайыактары күрэс быһыытынан билиһиннэриэхтэрэ. Ол кэннэ ааптардар бырайыактарын СӨ Ил Дархана Айсен Николаев иннигэр көмүскүөхтэрэ уонна көрдөрүөхтэрэ.
-
0
-
0
-
0
-
0
-
0
-
0
