Издательский дом Редакция Подписка
Погода в Якутске: . 29 oC

«Кинилэр дьоллорун Мииринэйгэ уһаммыттара» кинигэ презентацията 2023 сыл ыам ыйын 22 күнүгэр Саха Өрөспүүбүлүкэтин национальнай библиотекатыгар буолан ааста. Бу кинигэ «Эдэр ыччат – промышленноска!» диэн ыҥырыыны өйөөн, Дьокуускай куорат 2-с нүөмэрдээх оскуолатын 1959 сыллаахха бүтэрбит дьикти дьылҕалаах 22 выпускниктара кылааһынан, саҥа саҕаланан эрэр алмаас промышленноһыгар, Мииринэй куораты тутууга тутуспутунан үлэлии барбыттарын туһунан кинилэр иһирэх ахтыыларыгар олоҕуран суруллубут.

«Кинилэр дьоллорун Мииринэйгэ уһаммыттара» кинигэ презентацията 2023 сыл ыам ыйын 22 күнүгэр Саха Өрөспүүбүлүкэтин национальнай библиотекатыгар буолан ааста. Бу кинигэ «Эдэр ыччат – промышленноска!» диэн ыҥырыыны өйөөн, Дьокуускай куорат 2-с нүөмэрдээх оскуолатын 1959 сыллаахха бүтэрбит дьикти дьылҕалаах 22 выпускниктара кылааһынан, саҥа саҕаланан эрэр алмаас промышленноһыгар, Мииринэй куораты тутууга тутуспутунан үлэлии барбыттарын туһунан кинилэр иһирэх ахтыыларыгар олоҕуран суруллубут.

Кинигэни Саха Өрөспүүбүлүкэтин үтүөлээх үлэһитэ, Судаарыстыбаннай Бириэмийэ лауреата, Бүлүү улууһун уонна Бүлүү куоратын Бочуоттаах олохтооҕо Николай Крылов уонна Саха Өрөспүүбүлүкэтин үөрэҕириитин туйгуна, Саха Өрөспүүбүлүкэтин телевидениятын, радиотын туйгуна Елизавета Егорова хомуйан таһаардылар. Кинигэ 1959 сыллааҕы выпускниктар сыралаах үлэлэрин, сырдык ааттарын тилиннэрэр туһугар элбэх сыратын уурбут,  «Олох аана» диэн кинигэ ааптара Россия Бочуоттаах судьуйата, Саха Өрөспүүбүлүкэтин, Российскай Федерация үтүөлээх юриһа Юрий Игнатьев ахтыытыттан саҕаланар.

20230522 IMG 2372

Тэрээһиҥҥэ бүтүн Союз үрдүнэн урут хаһан да буолбатах уонна баччааҥҥа дылы хатылана илик хорсун хамсааһын кыттыылаахтара, кинилэр оҕолоро, сыдьааннара, үөлээннээхтэрэ, суруйааччылар, журналистар уо.д.а кыттыыны ыллылар. Ил Түмэнтэн Бэрэссэдээтэли солбуйааччы Антонина Григорьева уонна судаарыстыбаннай тутулга уонна олохтоох салайыныыга сис кэмитиэтин бэрэссэдээтэлэ Владимир Прокопьев кыттыыны ыллылар. Кинигэ сүрэхтэниитэ олус ис киирбэх, киһи дууһатыгар сөҥөн киирэрдии истиҥ, сэмэй быһыыга-майгыга ааста. Лена Керемясова хомоҕой тылынан ыпсаран ол сыллардааҕы кэмнэри эргитэн эдэр ыччат хоһуун быһыытын туһунан ахтыылардаах, кинигэ геройдарын кытта көрсүһүүлээх киэһэни өрө көтөҕүллэн ыытта.

333

Норуот хаһаайыстыбатын үтүөлээх үлэһиттэрэ, үлэ бэтэрээннэрэ Варвара Данилова, Нина Дьяконова (Семенова), педагогическай үлэ бэтэрээнэ, РСФСР үөрэҕириитин туйгуна Александра (Мохначевская) Кагаева Мииринэй куорат тутуутугар, алмаас промышленноһыгар барбыт кылаас оҕолорун аатыттан кинигэ ааптардарыгар, кэлбит дьоҥҥо махтал тылларын эттилэр, ол сыллардааҕы үлэни-хамнаһы ахтан аастылар. Онно, кинилэр хайдах аан маҥнай кэлэн балааккаларга олохсуйбуттарын, ким суоппар, ким штукатур-маляр идэтин баһылаан, саҥа тэриллибит курстарга үөрэнэн барбыттарын онтон да атын түгэннэри аҕыннылар.

Антонина Григорьева «Кинилэр дьоллорун Мииринэйгэ уьаммыттара» кинигэ көлүөнэлэр утум­наһыыларын бөҕөргөтүүгэ олус суолталаах уонна кэмигэр тахсыбыт кинигэ, - диэн тоһоҕолоон бэлиэтээтэ.

«Быйылгы сылы биһиги Ил Дархаммыт Айсен Николаев Үлэ сылынан биллэрбитэ. Билигин оскуолаларга «Разговоры о важном» - кылаас чаастара ыытыллаллар. Патриотизм, төрөөбүт дойдуга таптал, сиэр-майгы туһунан сүрүн, дириҥ суолталаах кэпсэтиилэр ыытыллаллар. Онно бу Николай Александрович кинигэтин курдук айымьылар сүҥкэн оруоллаахтар. Кинигэҕэ киирбит ахтыылар комсомол курдук ХХ үйэҕэ эрэ буолбакка, биһиги судаарыстыбабыт историятыгар ыччат саамай модун уопсастыбаннай хамсааһына буоларын туоһулууллар. Кини дьону түмэрин, алтыһарга үөрэтэрин, киһиэхэ лидер хаачыстыбаларын үөскэтэрин уонна үрдүк сыаллары ситиһэргэ туһаайбытын биһиги көлүөнэ дьон олус сыаналыыбыт. Кинигэ геройдара билигин үгүстэрэ олоххо бэйэлэрин миэстэлэрин бигэтик булбут убаастанар дьон. Мииринэй куоратын тутууга үлэлээбит эдэр ыччат холобурун туһунан кинигэ бэйэтин ааҕааччытын булан үгүс сыллаах комсомол уопутун туһанан, бары салааларга наставниктааһын хамсааһынын сайыннарарга төһүү буолуо диэн эрэнэбин», – диэн Антонина Афанасьевна бэлиэтээтэ. Бу хорсун быһыы туһунан оскуолаларга, чуолаан Дьокуускай куорат 2 №-дээх оскуолатыгар иитэр-үөрэтэр суолталаах кылаас чаастара ордук суолталаах буолуохтарын бэлиэтээтэ.

 1959-1960 сс. тайҕа аҥардаах Мииринэй куораты тутуспут оҕолор хорсун быһыыларын көрдөрөр киинэ уһуллуон хайаан да наада диэн норуот дьокутаата Владимир Прокопьев эттэ. «Олохтоох каадыры – промышленноска» диэн ыҥырыы бастакы саҕалааччытынан кылаас салайааччыта Зоя Миндиярова буолбут эбит, кинилэр  албан ааттаах дьыалаларынан Саха сирэ билигин киэн туттар, диэн кини бэлиэтээтэ. Түмүккэ Антонина Григорьева, Владимир Прокопьев кинигэ тираһын элбэтэн хос бэчээттиир наадалааҕын туһунан бэлиэтээн, онно бэйэбит кыахпытын ууруохпут диэн эттилэр.

«Таптал», «патриотизм», «Ийэ дойду туһугар олох олоруу» диэн үрдүк, ыраас өйдөбүллэр хайдах иҥэриллибиттэрин санатар кинигэ киэҥ эйгэҕэ тахсан бэйэтин ааҕааччытын булуо диэн бигэтик эрэнэбит!

  • 0
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
22.07.24 12:16