Бу күн Тиксии бөһүөлэгин таһынааҕы территорияны ыраастааһын субуотунньугар 50 киһи, ол иһигэр бөһүөлэк араас тэрилтэлэрин бэрэстэбиитэллэрэ итиэннэ Саха Өрөспүүбүлүкэтин Арктиканы сайыннарыыга уонна хотугу омуктар дьыалаларыгар министириэстибэтин үлэһиттэрэ кытыннылар. Кинилэргэ «Арктиквтормет» ХЭТ анал тиэхиньикэлэринэн көмөлөстө, күн устатыгар 6 гектар иэннээх сир ыраастанна, 27,5 туонна хаарбах тимир хомулунна.
Хаһыс да сылын ыытыллар Арктика сирин ырааһырдыы субуотунньуктарагар олохтоохтор көхтөөхтүк кытталлар. Маннык дьаһаллар Комига, Карелияҕа, Мурманскай уонна Архангельскай убаластарга эмиэ тэриллэллэр, Саҥа сиргэ экспедиция үлэлиир. Бу туһунан Саха Өрөспүүбүлүкэтин Арктиканы сайыннарыыга уонна хотугу омуктар дьыалаларыгар министириэстибэтин пресс-киинэ иһитиннэрэр.
-
1
-
0
-
0
-
0
-
0
-
0
