Бастакы соругунан матырыйаалынай-тиэхиниичэскэй баазаны саҥардыы, саҥа тииптээх кэллиэстэр инфраструктураларын оҥоруу буолар. Кэлэр сылларга орто профессиональнай үѳрэхтээhин систиэмэтэ тосту уларытыллыахтаах.
2023-2027 сс. барыта 25 үѳрэх кыhатын дьиэтэ хапытаалынайдык ѳрѳмүѳннэниэҕэ уонна наадалаах тэрилинэн хааччыллыаҕа.
Быйыл 2023 сылга бырагыраамаҕа Алданнааҕы мэдиссиинискэй кэллиэс, креативнай индустриялар кэллиэстэрэ - «АЙАР УУСТАР», Ѳлүѳхүмэтээҕи техникум, Дьокуускайдааҕы педагогическай кэллиэс, Дьокуускайдааҕы сибээс уонна информационнай технологиялар кэллиэстэрэ киирбиттэр.
Итиэннэ федеральнай үбүлээhин чэрчитинэн ѳрѳспүүбүлүкэҕэ экэниэмикэ сүрүн салааларыгар наадалаах каадырдары бэлэмнээhиҥҥэ аныгы мастарыскыайдар оҥоhуллаллар. Кэлэр икки сыл иhигэр ѳссѳ 13 мастарыскыай үлэҕэ киириэҕэ, онуоха 301 мѳл. солк. үп туттуллуоҕа.
Чуолкайдаатахха, Саха Сиригэр 42 профессиональнай үѳрэх тэрилтэтэ, ол иhигэр 40 судаарыстыбаннай уонна 2 суударыстыбаннайа суохтар бааллар. Кинилэр ѳрѳспүүбүлүкэ 24 муниципальнай тэрээhиннэригэр уонна 2 куорат уокуруктарыгар үлэлииллэр.
-
0
-
0
-
0
-
0
-
0
-
0
