Издательский дом Редакция Подписка
Погода в Якутске: . -24 oC

 Уус Алдан улууһун Сыырдаахтааҕы «Айылгы» сынньалаҥ киин иһинэн үлэлиир «Ымыычаан» куруһуок оҕолоро Олоҥхо ыйыгар ыалынан кэрийэн олоҥхолоотулар.

 Уус Алдан улууһун Сыырдаахтааҕы «Айылгы» сынньалаҥ киин иһинэн үлэлиир «Ымыычаан» куруһуок оҕолоро Олоҥхо ыйыгар ыалынан кэрийэн олоҥхолоотулар.

Куруһуок салайааччыта Саха Өрөспүүбүлүкэтин култууратын туйгуна, сынньалаҥ киинин  уус-уран салайааччыта Анна Неустроева бу курдук кэпсиир: – Мин 2012 сыллаахха, дойдубар кэлэн үлэлиэхпиттэн, оҕо дьоҕурун, ис кыаҕын арыйар куруһуогу тэрийиэхпин баҕарбытым. Ол эрээри, оҕолорго чугаһаабатаҕым. Онтон кэлин оҕолорбут тылынан уус-уран айымньы, ырыа-тойук өттүгэр биллэ хаалаары гыммыттар дуу диэн санааттан, кинилэр ис дьоҕурдарын, кистэлэҥ баҕаларын көбүтэн бу куруһуогу тэрийбитим. Сырабыт түмүктэрэ син көстөн эрэллэр. Холобур, Лилиана Заболоцкайа «Мини мисс» диэн күрэҕи ыыппытын оҕолор олус сэргээбиттэрэ. Онтон кэнсиэртэргэ кыттан, араас үҥкүүлэри, ырыалары толорон, үгэс буолбут ньыманан хомуска оонньуурга үөрэнэн, уһуктан барбыттара. Сыыйа санаабыт күүһүрэн, баҕалаах оҕолору түмэн, аны  олоҥхолуурга холонон эрэбит.

Олонхо_--_выступ.jpeg

Олоҥхо дэкээдэтигэр «ымыычааннар»  ыалынан сылдьан олоҥхолооһун бырайыагынан, «Чуораанчык уһуйааҥҥа» уонна икки ыалга сырыттылар.

Өбүгэ үгэһинэн ыаллар кыракый олоҥхоһуттары олус үөрэ-көтө, минньигэһинэн күндүлүү көрүстүлэр. Сыана бэтэрээнэ, ытык саастаах Елена Ивановна Протопопова  алгыс тылларын анаата. Урут алаастарынан кэрийэн үс түүннээх күн олоҥхо толороллорун көрбүтүн туһунан кэпсээтэ. Сүргэтэ көтөҕүллэн, тойук туойда. Эдэр олоҥхоһуттар суруйааччы Уйана «Кустук өҥнөөх Кулунчук» олоҥхотун толордулар. Онно Анжела Слепцова, Дарина Слепцова, Сайаана Неустроева, Виолетта Бурцева,Рианна Бурцева уонна бэһис кылаас үөрэнээччилэрэ Лилиана Заболоцкая, Анжела Петрова, Ирияна Неустроева бастакы кылаас үөрэнээччитэ Леонгард Неустроев кытыннылар. Салайааччылара Анна Неустроева инникитин бу бырайыагын салгыы сайыннарар баҕалаах.       
Ульяна Бурнашева, Уус Алдан

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Табаһыт күнүнэн!

Ытыктабыллаах биир дойдулаахтарым, табаһыттар! Ил Түмэн, «Саха Аартыката» эрэгийиэннээҕи…
02.03.24 12:51