Санаттахха, бу сыл олунньу ыйыгар СӨ Ил Дархана Айсен Николаев Дьокуускайга эрэгийиэннээҕи салааны регистрациялыыр туһунан сэртипикээти туттарбыта, хамсааһын сыалын-соруктарын чопчулаабыта уонна бастакы хамсааһын уһуйааччыта буолбута.
Мунньахха хамсааһын ордук ситиһиилээх бырайыагынан «Зарница» өрөспүүбүлүкэтээҕи байыаннай-патриотическай оонньуута ааттанна. Ону сэргэ улуустарынан 3 тыһ. оҕоҕо сынньалаҥнарын тэрийии үрдүк таһымнааҕа, Бүтүн Арассыыйатааҕы «Учуонайга ыалдьыттыы» бырайыак эрэгийиэннээҕи түһүмэххэ 6 тыһ. кэриҥэ оҕо кыттыбыттара үрдүк көрдөрүүлээхтэрэ бэлиэтэннэ.
Хамсааһын эрэгийиэннээҕи салаатын бэрэссэдээтэлин солбуйааччыта Александр Кузьмин хамсааһын тэрээһиннэригэр барыта 40366 киһи, ол иһигэр 6-тан 18-гар диэри саастаах 29485 оҕо кыттыыны ылбыта отчуоттанна. «Хамсааһын бырайыактарынан кыттыы былаана 115% туолла», - диэн Александр Кузьмин иһитиннэрдэ.
Мунньахха 2024 сылга үлэ торума дьүүллэһилиннэ. Сотору кэминэн Саха Сиригэр «Баҕа санаа харыйата» уонна «Арассыыйатааҕы Эhээ Дьыл» Бүтүн Арассыйатааҕы аахсыйалары ыытыы чопчуланна.
-
0
-
0
-
0
-
0
-
0
-
0
