Ол курдук, «Светлица культурных традиций» тиэмэлээх эйгэ үѳрүүлээх аhыллыыта буолла. Бастакы этээскэ туhунан хоско турбут нуучча тупсаҕай кѳстүүлээх мас дьиэтин уонна «Встречь Солнцу» быыстапканы кэлбит дьон сэргии кѳрдүлэр.
XVII үйэттэн Саха Сиригэр олоҕурбут нуучча дьоно олоххо-дьаhахха туттар тэриллэрин, малларын, таҥастарын-саптарын, иhиттэрин-хомуостарын кѳрдѳрѳр быыстапка экспозициялара «Казаки», «Русское Устье», «Амгинская слобода», «Ямщики», «Староверы», «Ссыльные», «Скопцы» диэн тус-туhунан салааларга араарыллыбыттар.
Манна ыраахтааҕылаах Арассыыйа харчытын, хаhыаттары, тупсаҕай бэйэлээх таас иhиттэри, күлтэгэр истээх сүүнэ салабаардары, сиэдэрэй ойуулаах былааттары, кѳлүүр тэрили, сир оҥорор тэрили уо.д.а. кѳрүѳххэ сѳп.
Сиhилии «Ил Түмэн» хаhыат кэлэр нүѳмэригэр ааҕыҥ.
- 0
- 0
- 0
- 0
- 0
- 0