Издательский дом Редакция Подписка
Погода в Якутске: . 21 oC

Арассыыйа  Конституциятынан бэриллибит бырааптарын туһанан, Өлөөн улууһун олохтоохторо өрө көтөҕүллэн туран Бэрэсидьиэн быыбарыгар көхтөөхтүк кытыннылар, Владимир Путин кандидатуратын өйөөтүлэр.

Арассыыйа  Конституциятынан бэриллибит бырааптарын туһанан, Өлөөн улууһун олохтоохторо өрө көтөҕүллэн туран Бэрэсидьиэн быыбарыгар көхтөөхтүк кытыннылар, Владимир Путин кандидатуратын өйөөтүлэр.

Өлөөн национальнай улууһа быыбарга кыттыыга инники күөҥҥэ сылдьар буоллаҕына,  Кирбэй нэһилиэгэ  быыбарга саамай көхтөөхтүк  кыттыбыт, бастыҥ нэһилиэк аатын ылла. Бу -- нэһилиэнньэ уопсастыбаннаһын, хас биирдии түөлбэ салайааччытын, түмсүүлэр, нэһилиэк дьокутааттарын, тэрилтэ салайааччыларын биир уопсай үлэлээһиннэрин түмүгэ буолар. Биһиги оҕо эрдэхпитинэ ыстаадаларынан кэрийэн быыбардаталлара. “Мин дьоммун кытта атын ыстаадаҕа быыбардыы барабыт”, -- диэни элбэхтэ истэн улааппытым.

Ел_-_1.jpeg

Быыбардыы бараары тэринии диэни онно көрөөччүбүн, бостууктар саамай аллаах көлөлөрүн, эмис буураттарын туттан көтүтэн иһэрбит харахпар субу баарга дылы. Ол саҕаттан быыбары улаханнык суолталыыллара, бэлиитикэ, олох укулаатын оҥоһуутун бырааһынньыгар тэҥнииллэрэ, ол иһин, билигин даҕаны быыбарга көхтөөхтүк кытталлар. Өбүгэ таҥаһын таҥнан, сааскы ыраас салгынынан сайа тыынан, күннээх күҥҥэ үөрэ-көтө быыбардыыр учаастактарга кэлэллэр, атыы-тутуу, доруобуйа туругун көрүү-истии аахсыйаларыгар кытталлар. ”Сардаҥа” хаһыат бэтэрээннэрэ Анна Егоровна Готовцева, Елена Николаевна Константинова бэйэлэрэ тикпит таба таҥастарын таҥнан, эбэҥки чулуу кыргыттара буолалларынан астынан быыбар күн, кулун тутар 15 күнүгэр куоластарын биэрдилэр.

ел_-_2.jpeg

Бу күннэргэ Дьокуускай куоракка Өксөкүлээх Өлөксөй аатынан норуоттар доҕордоһууларын дьиэтигэр Эбэҥкилэр ахсыс сийиэстэрэ ыытыллаары турар. Сийиэс чэрчитинэн,  ыытыллар  “Арктика эйгэтигэр” быыстапка-дьаарбаҥкаҕа биһиги улууспут биллэр-көстөр ааттаах маастардарын үлэлэрэ туруоруллуоҕа. Маннык улахан таһымнаах тэрээһиҥҥэ Өлөөн  маастардарын үлэлэрэ турарыттан үөрэбин уонна киэн туттабын. Кыттааччы маастардарга ситиһиилэри баҕарабын.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51