Кини куорат уолаттара аҕаларын кытта булка сылдьыбаттарын, оннооҕор балаакканы сатаан туруорбаттарын, онтон үрдүк үөрэххэ киирэн, салайааччы буолан тахсалларын туһунан эттэ. Аныгы технология сайдан, төрөппүттэр оҕолоноллоругар кыыс, эбэтэр уол оҕону эрдэттэн талан ылар кыахтаммыттарыттан сонньуйарын биллэрдэ.
Аныгы цивилизация диэн киһи киһиэхэ сыһыана буоларын өйдөттө: «Биһиги өбүгэлэрбит кытаанах, ыарахан усулуобуйаҕа олорон, сиэр-майгы, духуобунас сыаннастарын илдьэ сылдьаллара уонна саамай сүрүнэ, киһиэхэ киһилии сыһыан баара. Ыалдьыт кэллэҕинэ хоргуйуу да кэмигэр бүтэһик хаһаастарын утары ууналлара.
Маннык сыһыан үгүс киһи олоҕун быыһаабыта. Ыччаты иитии сүрүн төрдө уолу эр киһилии иитиэххэ наада, кыра сааһыттан Аҕа дойдуну көмүскээччи, дьиэ кэргэнин аһатааччы, булааччы-талааччы буоларын өйдөтүөххэ. Кыыс оҕону алаһа дьиэ хаһаайкатын быһыытынан иитэн-үөрэтэн таһаарыахтаахпыт. Кини аһылыгы астыыр, сатаан иистэнэр буолуохтаах. Сэбиэскэй кэмтэн оннук этэ. Бу саамай сөптөөх уонна көдьүүстээх үөрэх», — диэн санаатын үллэһиннэ норуодунай суруйааччы.
Хаартыска: https://pikabu.ru/story/midjourney__nurgun_bootur_9916541
-
2
-
0
-
0
-
0
-
0
-
0
