Издательский дом Редакция Подписка
Погода в Якутске: . 17 oC

Тыа хаһаайыстыбатын уонна ас-үөл бэлиитикэтин министиэристибэтин бырагырааматын чэрчитинэн, Аартыка улуустарыгар түргэнник ситэр салааны (кууруссаны, сибиинньэни) уонна кинилэр аһылыктарын тиэрдии ороскуота 100 % толуйуллар.

Тыа хаһаайыстыбатын уонна ас-үөл бэлиитикэтин министиэристибэтин бырагырааматын чэрчитинэн, Аартыка улуустарыгар түргэнник ситэр салааны (кууруссаны, сибиинньэни) уонна кинилэр аһылыктарын тиэрдии ороскуота 100 % толуйуллар.

Бу бырагырааманан Дьааҥы улууһугар эрдэ 72 сибиинньэ оҕото уонна 2 массыына комбикуорум илдьиллибитэ. Бу күннэргэ «Полярные авиалинии» авиахампаанньа Ан-26 сөмөлүөтүнэн улуус олохтоохторун сайаапкаларынан, Баатаҕай бөһүөлэгэр 1300 сымыыттыыр куурусса тиэрдилиннэ.

куры_-_1.jpeg

Үчүгэй бырагыраама баар буолан, Аартыка улуустарын олохтоохторо кууруссаны, сибиинньэни уонна комбикуорманы Дьокуускай сыанатынан атыылаһабыт. Аҕалбыт кууруссаларбыт түөрт ыйдаахтар, ыам ыйыттан сымыыттыахтара. Билигин, кыһыҥҥы суолу өрүсүһэ, нэһилиэктэринэн тарҕата сылдьабыт. Бу кууруссалары «Дьокуускайдааҕы көтөр фабриката» аахсыйалах уопсастыбаттан ылан ыытыы боппуруостарын быһаарыыга «Бадайагро» ХЭТ дириэктэрэ Вадим Горохов, тыа хаһаайыстыбатын управлениетын бэрэстэбиитэлэ Валентина Быкова сүүрэн-көтөн үлэлээбиттэрин итиэннэ «Полярные авиалинии» авиахампаанньа биһигини кытары мэлдьи үлэлэһэрин махтана бэлиэтиибит, – диир Дьааҥы улууһунааҕы тыа хаһаайыстыбатын управлениетын салайааччы Кэскил Ефимова.

куры_-_2.jpeg

Быйыл Аартыка улуустарыгар түргэнник ситэр салааны уонна комбикуорманы хааччыйыыга 20 мөл солк көрүлүннэ. Сайаапка быһыытынан, сэттэ улууска (Абыйга, Аллараа Халымаҕа, Дьааҥыга, Муомаҕа, Усуйаанаҕа, Эбээн Бытантайга, Эдьигээҥҥэ) 5 163 куурусса, 332 сибиинньэ оҕото уонна 252,5 туонна комбикуорум илдьиллиэхтээх. Санатан эттэххэ, былырыын 3 619 куурусса, 54 сибиинньэ оҕото, 93,3 туонна комбикуорум илдьиллибитэ диэн Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэр.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22