Хампаанньа күн бүгүҥҥү туругунан, Астрахань уобалаһыттан 60 туона луугу атыыласпыт, аны олохтоох хаһаайыстыбалартан 660 туонна араас оҕуруот аһын соҕотуопкалыахтаах. Итинтэн 484 туонна оҕуруот аһын Аартыкаҕа уонна хотугу улуустарыгар ыытыахтаах. Түөрт уу ааллара атырдах ыйын 26 күнүттэн саҕалаан таһаҕаһы тиэнэн, айаҥҥа турунуохтара.
Уу суола аһыллыаҕыттан «Аартыкатааҕы эргиэн-логистика хампаанньата» хотугу улуустарга социальнай суолталаах аһылык табаардарын, ол иһигэр оҕуруот аһын, тиэрдиигэ таһаарыылаахтык үлэлиир. Билиҥҥи туругунан, Магадаан уобалаһын нөҥүө Халыма өрүһүнэн Орто Халымаҕа 27 туонна, Зырянкаҕа 15 туонна оҕуруот аһа тиэрдилиннэ. Ону таһынан сөмөлүөтүнэн Сааскылаахха 3,6 туонна, Дьааҥы эргин улуустарга 1,5 туонна хаппыыста, моркуоп, сүбүөкүлэ илдьилиннэ.
Маны таһынан хампаанньа Ил Дархан 989-А1 №-дээх «Сир аһын тутар бастайааннай пууннары тэрийэр туһунан» дьаһалын толоруу чэрчитинэн, сир аһын соҕотупкалыыр. Онон, нэһилиэнньэттэн морошканы, сугуну уонна отону тутуу саҕаланна диэн Аартыканы сайыннарыы уонна хотугу норуоттар дьыалаларын министиэристибэтэ иһитиннэрэр.
-
0
-
0
-
0
-
0
-
0
-
0
