Саҥа киллэрии анал нолуок эрэсиимин тутуһар Арассыыйа олохтоохторугар быстах кэмҥэ үлэлиир кыахтара суох буоллахтарына бэйэлэрин баҕаларынан страховкаланалларыгар кыах биэриэҕэ. Бэйэ дьарыктаах дьон страховка сууматын кээмэйин 35 тыһ. эбэтэр 50 тыһ. солк. талыахтара.
Алта ый устата страховка төлөбүрүн тохтоло суох төлөөбүтүн кэннэ, гражданин талбыт сууматыттан 70 бырыһыанын, оттон 12 ыйынан 100 бырыһыанын ылар бырааптаныа. Социальнай пуонда аныыр төлөбүрүн кээмэйэ страховка болдьоҕун уһунуттан уонна усунуостары төлөөһүн болдьоҕуттан тутулуктаах буолуоҕа.
Ол курдук, 35 тыһ. солкуобайга ыйдааҕы страховка төлөбүрэ 1344 солкуобайга, онтон 50 тыһыынчаҕа 1920 солкуобайга тэҥнэһиэ.
Бу хамсааһыны уопсастыбаннай ырытыы атырдьах ыйын 10 күнүгэр диэри ыытыллыаҕа. Эксперимент 2028 сыл ахсынньы 31 күнүгэр диэри буолуоҕа.
Хаартыска куйаар ситимиттэн ылылынна
-
0
-
0
-
0
-
0
-
0
-
0
