Герман Иннокентьевич уола Феликстыын эрбии тииһинии эрийсиилээх күрэскэ, түһүмэхтэринэн тургутуулары ааһан, бэрэбинэни суорууга – ахсыс, бэрэбинэни эрбээһиҥҥэ -- төрдүс, остуолбаҕа ыттыыга – үһүс, булчут биатлонугар -- төрдүс, маһы хайытыыга – сэттис, ойбону алларыыга — иккис, кутаа уокка чэйи өрүүгэ – бэһис миэстэлэри ылан, уопсайа 33 очукуону суруннулар.
Тэрээһин кыттыылаахтарын, көрөөччүлэрин хаһыыларынан кыайыылаахтарбыт, тэрийээччилэр туруорбут 300 тыһ. солк., уонна уотунан барар ыстаансыйанан наҕараадаланнылар.
Урукку сылларга Таатта чиэһин Дьүлэйтэн Петр Чупров уолаттара Айыллаанныын, Арсенныын өрөспүүбүлүкэҕэ үс төгүл муҥутуур кыайыыны ылбыттара, икки төгүл үс иһигэр киирэри ситиспиттэрэ. Онон, Чупровтар кыайыылара быйыл Жегусовтарынан хатыланна!
Уол оҕо аҕатын туйаҕын хатарааччы, ситимин салҕааччы буоларын, бу күрэс көрдөрөр, барыбытыгар холобур буолар.
Хаартыскалары ааптар хааччыйда.
-
0
-
0
-
0
-
0
-
1
-
0
