ТАСС бэлиэтииринэн, көрсүһүүнү Москуба бириэмэтинэн 10 чааска саҕалыырга былаанныыллар. Кэпсэтии Турция Бэрэсидьиэнин үлэлиир офиһыгар сабыылаах эрэһиим быһыытынан барыаҕа.
«Парламентская газета» эрдэ суруйбутунан, Стамбулга сирэй кэпсэтиини ыытар туһунан Арассыыйа Бэрэсидьиэнэ Владимир Путин Улуу Кыайыы 80 сылын бэлиэтээһин кэмигэр кыраныысса таһынааҕы лиидэрдэри кытта көрсүһүү кэнниттэн этии киллэрбитэ.
Биир хонук иннинэ В. Путин Арассыыйа дэлэгээссийэтин састаабын бигэргэппитэ. 2022 сылга буолбутун курдук, дэлэгээссийэни бэрэсидьиэн көмөлөһөөччүтэ Владимир Мединскай салайар. Дэлэгээссийэ састаабыгар тас дойду дьыалаларыгар миниистири солбуйааччы Михаил Галузин, Генштаб Кылаабынай управлениятын салайааччы Олег Костюков уонна Миноборуона баһылыгын солбуйааччы Александр Фомин киирбиттэрэ.
Сиһилии: https://www.pnp.ru/politics/rossiyskaya-delegaciya-pribyla-v-stambul.html
Хаартыска: «Парламентская газета»
-
0
-
0
-
0
-
0
-
0
-
0
