Горнай улууһун Аһыма нэһилиэгэр Аҕа дойду Улуу сэриитин хонууларыгар Төрөөбүт сирдэрин туһугар өлбүт саллааттарга мемориальнай комплекс, Уус Алдан улууһун Бороҕон нэһилиэгэр Дьоруойдар аллеялара, ону кытта Уус Алдан Дүпсүнүн Ампаардаах диэн сиригэр Аҕа дойду Улуу сэриитин фроннарыгар Сэбиэскэй Сойууһу көмүскэспит уонна тыылга Кыайыыны уһансыбыт «Энгельс» холкуос чилиэннэрин кэриэстиир, майаактары, өрөспүүбүлүкэ үтүөлээх үлэһиттэрин, учуонайдары, уопсастыбаннай диэйэтэллэри, кэлэр көлүөнэлэргэ холобур буолар «Энгельс» холкуос чилиэннэрин удьуордарын үйэтитэр мемориальнай комплекс И.В. Бочкарев көҕүлээһининэн уонна быһаччы салалтатынан айыллыбыттарын туһунан бу күҥҥэ сүрэхтэммит олбуом кинигэҕэ кэпсэнэр.
Алексей Еремеев бэйэтин этиитигэр Иннокентий Васильевич өрөспүүбүлүкэҕэ тыа сирин сайдыытыгар, үөрэхтээһин систиэмэтигэр уонна патриотическай иитиигэ сүдү кылаатын бэлиэтээтэ. Иннокентий Бочкарев бэйэтин холобурунан санаатын күүһүн, дьыалаҕа бэриниилээх буолуутун, төрөөбүт дойдутугар тапталын көрдөрбүт киһи буоларын тоһоҕолоото. «Бэйэм ааппыттан уонна Ил Түмэн аатыттан эйигин 75 сааскынан эҕэрдэлиибин! Эн олоҕуҥ суола – норуокка өҥөлөөһүн, патриотизм уонна айар үлэ идиэйэлэрин олоххо киллэрии холобурунан буолар», — диэтэ кини. Иннокентий Бочкарев үтүөлэрин туһунан этэригэр, Алексей Еремеев кини тыа хаһаайыстыбатын модернизациятыгар, үтүө дьыала хамсааһынын тэрийиигэ уонна улахан социальнай бырайыактары олоххо киллэриигэ оруолун бэлиэтээтэ. «Эн тыһыынчаттан тахса социальнай эбийиэк тутуутун көҕүлээбитиҥ, дьону үтүө дьыалаҕа, патриотизмҥа угуйбутуҥ. Эн үлэҥ өрөспүүбүлүкэбит устуоруйатыгар сырдык суолу хаалларда», — диэн тоһоҕолоон бэлиэтээтэ. Ил Түмэн Бэрэссэдээтэлэ улуус инники сайдыытыгар Иннокентий Васильевич олохтообут үгэстэрэ, идиэйэлэрэ салҕаналларыгар эрэнэрин эттэ. «Эн холобуруҥ саҥа көлүөнэлэри Ийэ дойдуга көмө буоларга угуйар, норуот сомоҕолоһуутун бөҕөргөтөр», — диэн эбэн эттэ.
Иһитиннэрии уонна хаартыска: https://iltumen.ru/news/26842
-
0
-
0
-
0
-
0
-
0
-
0
