Төрүттэрбитигэр анаан сылтан сыл кинигэлэри бэчээттэтэн, уруу-аймах дьоммутун үйэтитэбит. Таатта улууһун Чөркөөх сэлиэнньэтин олохтооҕо, кыраайы үөрэтээччи Гаврил Вырдылин саҥа кэм ирдэбилинэн өбүгэ сирин-уотун элэктириэннэй хаартаҕа киллэрэн оҥорбута. Бу улахан суолталаах "Үйэлээх ситим" бырайыак сэҥээриини ылан, улуустарынан ыҥырыыга сылдьар буолла.
Ол туоһутунан Гаврил Гаврильевич күөх Ньурбаҕа Ил Түмэн дьокутааттарын Владимир Прокопьевы, Георгий Балакшины кытта ыалдьыттаабыта буолла. Кини улуус баһылыга Алексей Иннокентьев салайан ыыппыт мунньаҕар нэһилиэктэр баһылыктарыгар, дьокутааттарыгар, сир исписэлиистэригэр оҥорбут хаартатын билиһиннэрдэ. Улуу дьону үөскэппит кырдьаҕас Чөркөөх урукку-билиҥҥи устуоруйатын билиһиннэрдэ уонна "Үйэлээх ситим" бырайыагы оҥорууга сүбэлэри биэрдэ.
Гаврил Гаврильевич Октябрьскай нэһилиэккэ баһылыгынан үлэлээбитэ. Онон нэһилиэк сир баайдааҕын, тыа сирэ өбүгэ сириттэн турарын бэйэтинэн билбит, ону территориялааһыҥҥа үлэни ыыппыт киһи буоларын быһыытынан, саҥа үйэ ньыматынан бырайыакка ылсыбыта саарбаҕа суох.
Бу курдук, өбүгэ олорбут олоҕо саҥа үйэ тыынынан тиллэр, кэпсэнэр.
Вера КАНАЕВА, Таатта
-
3
-
0
-
0
-
0
-
0
-
0
