Ол курдук, Сэбиэт былааһын олохтоспута, 1921 с. Национальностар боппуруостарын наркоматын Саха Сиринээҕи салаатын сэбиэдиссэйинэн ананан, Саха Сирэ автономияны ыларыгар туруулаһан үлэлээбитэ.
1923 с. Дьокуускайга кэлэн, Ис дьыала наркоматын уонна ГПУ-ну салайбыта, эргиэн наркомунан, хааччыйыы наркомунан, сир оҥоһуутун наркомунан, 1937 сылтан Совнарком бэрэссэдээтэлинэн үлэлээбитэ.
Ханнык да салааҕа ананнар, кэскили көрөн, былааннаах үлэ тиһигин олохтообута. Холобур, кини Сир оҥоһуутун наркомунан үлэлиир сылларыгар тыа хаһаайыстыбатын үлэтэ-хамнаһа араас хайысханан тэриллэн, племенной үлэ, ыһыы сиэмэтинэн хааччыллыы боппуруостара ситимнээхтик быһаарыллыбыттара, МТС-тар тэриллибиттэрэ, ыһыы сирэ кэҥэтиллибитэ. Ат сүүрдүүтэ уонна тыа хаһаайыстыбатын быыстапката тэриллэр буолбута.
Судаарыстыбаннас күнүгэр Степан Аржаков пааматынньыгар сибэкки дьөрбөтүн ууруу үөрүүлээх тэрээһинигэр Саха Өрөспүүбүүкэтин Бырабыыталыстыбатын чилиэннэрэ, Тыа хаһаайыстыбатын уонна ас-үөл бэлиитикэтин миниистирэ Артем Александров, Ил Түмэн экэниэмикэ, инвестиция уонна бырамыысыланнас бэлиитикэтигэр сис кэмитиэтин бэрэссэдээтэлэ Павел Петров, киин куорат дьаһалтатын бэрэстэбиитэллэрэ, АБДь бэтэрээннэрэ, олохтоохтор кыттыыны ыллылар.
Хаартыскаҕа ааптар түһэриитэ.
-
2
-
0
-
0
-
0
-
0
-
0
