Ол докумуонун «Региональный бренд: модный тренд или забытая классика» сиэссийэҕэ Бырамыысыланнас уонна эргиэн министиэристибэтин ис эргиэни сайыннарыыга департаменын дириэктэрэ Никита Кузнецов туттарда.
«Саха сиригэр оҥоһулунна» диэн сэртипикээссийэ тиһигэ Тыа хаһаайыстыбатын уонна ас-үөл бэлиитикэтин министиэристибэтин өйөбүлүнэн, Урбаанньыттар өрөспүүбүлүкэтээҕи ассоциациялара олохтоох табаарга интэриэһи үөскэтэр, кэлим бренди оҥорор итиэннэ саҥа ырыынакка таһаарар сыалтан, Арассыыйатааҕы хаачыстыба тиһигин кытары 2025 сыллаахха тэрийбитэ.
– Биһиги көннөрү бэлиэни эрэ туруорар буолбатахпыт, олохтоох табаары оҥорооччулар салгыы сайдалларыгар-кыаҕыралларыгар тирэҕи биэрэр бигэ экоситими тэрийэргэ дьулуһабыт. Хаачыстыбаны мэктиэлиир биир уопсай бренд тула түмсүү бэйэ-бэйэҕэ эрэнсиини күүһүрдэр итиэннэ табаар киэҥ эйгэҕэ биллэрин-көстөрүн хааччыйар. Ону Хапкаас уопута көрдөрөр, – диир Арассыыйатааҕы хаачыстыба тиһигин салайааччытын солбуйааччы Елена Сарацтева.
Арассыыйатааҕы хаачыстыба тиһигэ (Роскачество) дойду бары субъектарыгар маннык бырайыактары олоххо киллэрэргэ үлэлиир. Холобур, «Хапкаас бородууксуйата» сэртипикээссийэ тиһигэ Хотугу Хапкаас федеральнай уокуругар бары эрэгийиэннэртэн олохтоох табаары оҥорооччулары түмпүт, 85 сэртипикээти биэрбит. Бу туһунан Тыа хаһаайыстыбатын уона ас-үөл бэлиитикэтин министиэристибэтэ иһитиннэрэр.
Хаартыска: тустаах саайтан
-
1
-
0
-
0
-
0
-
0
-
0
