Ол туһунан “Кыһын Саха сириттэн саҕаланар” диэн бүтүн Арассыыйатааҕы бэстибээл иһинэн буолбут виртуальнай кэпсэтиигэ эрэгэйиэҥҥэ туризм салаатын сайыннарыы агенствотын гендириэктэрэ Наталья Тюкавкина иһитиннэрбитин ТАСС суруйар.
“Аартыкаҕа туристааһыҥҥа интэриэс улаатар. Үчүгэйдик сайыннардахха, бу хайысханан дьон олус интэриэһиргиэхтэрэ. Ол иһин Булуҥ оройуоннугар тустаах кластер арыйар буоллубут”, -- диэбит. Бу бырайыак 2035 сылга диэри Саха сирин Аартыкатын зонатын социальнай-экэнэмиическэй сайдыытын стратегиятынан олоххо киириэҕэ. Бырайыакка уопсайа 370 мөл. солк. көрүөхтэрэ. Туристар кластердара Тикси, Найба уонна Быковский мыс бөһүөлэктэригэр тэриллиэхтэрэ.
-
0
-
0
-
0
-
0
-
0
-
0
