АГИКИ бастакы проректора Станислав Иванов иһитиннэрбитинэн, быйыл 160 бүддьүөт миэстэтэ көрүллүбүт, ол иһиттэн 124 миэстэ – күнүскү үөрэххэ (очно), 36 миэстэ – кэтэхтэн үөрэххэ (заочно). Итиэннэ проректор саҥа хайысхалар аһыллыбыттарын иһитиннэрдэ.
Билигин АГИКИ докумуону абитуриеннартан үс көрүҥүнэн хомуйар:
– Институт информационнай систиэмэтигэр электроннай көрүҥүнэн ыыталлар;
– Судаарыстыбаннай өҥө порталыгар “Поступление в ВУЗ онлайн” суперсервискэ угаллар;
– Почта эпэрээтэрдэрин көмөлөрүнэн ыыталлар.
Сиһилии Аартыкатааҕы култуура уонна ускуустуба судаарыстыбаннай институтун саайтыгар ыйыллыбыт сигэнэн киирэн http://agiki.ru/ билсиэххитин уонна докумуоҥҥутун ыытыаххытын, 8 (4112) 42-11-67 тутар хамыыһыйа төлөпүөнүнэн ыйыталаһыаххытын сөп.
Сарсыҥҥыттан – бэс ыйын 15 күнүттэн – Аартыкатааҕы судаарыстыбаннай агротехнологическай университет (АГАТУ), бэс ыйын 20 күнүттэн Хотугулуу-Илиҥҥи федеральнай университет (ХИФУ), о.д.а. үрдүк, орто анал үөрэх кыһалара докумуону тутан саҕалыахтара.
-
0
-
0
-
0
-
0
-
0
-
0
