Издательский дом Редакция Подписка
Погода в Якутске: . 10 oC

Кулун тутар 24 күнүттэн муус устар 24 күнүгэр диэри аан дойду үрдүнэн сэллиги утары охсуһуу месячнига буола турар диэн СѲ доруобуйа харыстабылын министиэристибэтэ иһитиннэрэр.

Кулун тутар 24 күнүттэн муус устар 24 күнүгэр диэри аан дойду үрдүнэн сэллиги утары охсуһуу месячнига буола турар диэн СѲ доруобуйа харыстабылын министиэристибэтэ иһитиннэрэр.

Бу мөлүйүөнүнэн дьон олоҕун алдьатар, доруобуйатын сатарытар социальнай ыарыыны утары уопсастыбаннас хаһааҥҥытааҕар да сомоҕолоһор, күүһүн түмэригэр сыаллаах-соруктаах оҥоһуллар.

Сунтаар улууһугар сэллигинэн ыалдьыы көрдѳрүүлэрин ыллахха, ааспыт 2022 сылга 3 киһи ыалдьыбыта бэлиэтэнэр. Учуокка 10 киһи турар. Бу 2023 сылга киирэн баран, 1 киһи булулунна диэн Сунтаардааҕы киин балыыһа сэллиги утары охсуhар диспансер фтизиатр бырааһа Вера Григорьева сайтка иһитиннэрэр.

Сэллик — сыстыганнаах ыарыы, онон ким баҕарар ыалдьыан сөп. Ол эрээри дьаҥҥа ордук кубулуйбут тыҥа, куртах, бүөр ыарыылаах, сахарнай диабеттаах, ВИЧ-инфекциялаах, урут сэллигинэн ыалдьа сылдьыбыт, хаайыыттан тахсыбыт, уйулҕа ыарыылаах, лучевой терапияны ыла сылдьар дьон, итиэннэ кыра оҕолор кэбэҕэстик хаптарыахтарын сөп.

“Ыарыыны эрдэ буларга флюорография оруола олус улахан. Ол курдук, 2019 сылтан нэһилиэктэр олохтоохторун көһөрүллэр сыыппара флюорограбынан түһэрэн чинчийэбит. Маныаха медиктэри тэҥэ баһылыктар оруоллара улахан. Кинилэр нэһилиэнньэ көхтөөхтүк түһэрин хааччыйаллар.

2022 сылга Толоон, Устье, Аллаҥа нэһилиэктэрин олохтоохторо толору көрдөрдүлэр. Оттон  Сунтаар, Элгээйи, Тойбохой, Кутана, Кириэстээх, Күндэйэ, Бордоҥ, Бүлүүчээн, Түбэй-Дьаархан, Уһун-Күөл, Куокуну, Дьаархан, Маар-Күөл, Күүкэй, Хадан, Хоро, Түбэй, Илимниир, Толстой, Наахара, Тэҥкэ, Толоон, Ыгыатта олохтоохторо - 90% тахсалара.

Кыра нэһилиэктэр олохтоохторун 100% бу чинчийиинэн хабыллыахтаахтар. Сорох нэһилиэктэргэ биэлсэрдэр суохтара үлэни харгыстыыр. Онон бу боппуруоска нэһилиэк баһылыктара үлэлэһиэхтэрэ диэн эрэнэбит”, - диир быраас.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Общество

Атыылаһааччы аҕыйаабат

Сандал сааспыт кэлэн массыыналаахтар кыыдааннаах кыһын устата тоҥон турбут көлөһөрүн…
24.05.24 07:19
Общество

Хотуттан үүнэн-сайдан

Ыам ыйын 21 күнүгэр, “Полярник күнүн” көрсө, “Саха Сирин Аартыката” эрэгийиэннээҕи…
24.05.24 07:11
Уопсастыба

Киин көмөлөһөр

«Берегиня» дьиэ кэргэҥҥэ оҕону иитиигэ көмөлөһөр киин Дьиэ кэргэҥҥэ элбэх өҥөнү оҥорор…
23.05.24 15:28