Издательский дом Редакция Подписка
Погода в Якутске: . -12 oC

Ыам ыйын бастакы күннэриттэн даачаҕа маассабайдык сынньалаҥҥа тахсыы кэм саҕаланна.  Бу сылтан даача хаһаайыттарыгар сокуонунан ханнык ыстараап көрүҥнэрэ олоххо киирбиттэрин туһунан санатабыт.

Ыам ыйын бастакы күннэриттэн даачаҕа маассабайдык сынньалаҥҥа тахсыы кэм саҕаланна.  Бу сылтан даача хаһаайыттарыгар сокуонунан ханнык ыстараап көрүҥнэрэ олоххо киирбиттэрин туһунан санатабыт.

Быйылгыттан сокуону оҥорооччулар даачалаахтарга сыһыаннаах саҥа быраабылалары уонна ыстарааптары олохтоотулар.

Бастатан туран,  СНТ (садовое некоммерческое товарищество) территориятыгар турар күрүө иһигэр да, таһыгар да массыына сууйар уонна өрөмүөннүүр көҥүллэммэт. Бу дьайыыларга сокуону кэһээччи буруйа дакаастаннаҕына, 3-тэн 5 тыһ. солк. диэри ыстарааптанар, оттон экология өттүнэн айылҕаны киртитиитэ быһаарылыннаҕына – 10 тыһ. солк.

Иккиһинэн, таһырдьа туалеты сыыһа миэстэҕэ туруоруу. Саҥа быраабыланан таһырдьа туалет холуодьастан 8 миэтэрэ уонна атын тутуулартан 12 миэтэрэ тэйиччи туруоруллуохтаах, ону таһынан  тустаах герметичнэй емкостаах буолара ирдэнэр. Бу нуорманы кэспит буруйданааччы 3-тэн 5 тыһ. солк. диэри ыстарааптанар.

Үсүһүнэн, саҥа быраабыла ирдэбилинэн даачалаах хаһаайын көрүүтэ-истиитэ суох учаастагын хааларан, кураанах оту хомуйбатах түгэнэ быһаарылыннаҕына, 5 тыһ. солк. диэри ыстарааптаныаҕа.

Ол эрээри, барыта куһаҕан эрэ сонун буолбатах. ЫБММ даачаҕа шашлык буһарыы быраабылатыгар сымнатыы киллэрдэ. Билигин хайдах баҕарар тутуулартан 5 миэтэрэ тэйиччи шашлык буһарар көҥүллэннэ, чуолаан, чугаһына уматык эттиктэрэ суох буоларар ирдэнэр. Оттон бу ирдэбили кэһээччигэ 4 тыһ.солк. диэри ыстараап көрүллэр, сорох түгэннэргэ, холобур, баһаар турдаҕына – 50 тыһ.солк.

  • 0
  • 0
  • 0
  • 1
  • 0
  • 1

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением