Издательский дом Редакция Подписка
Погода в Якутске: . -25 oC

Улуу суруйааччыбыт  Амма Аччыгыйа: «Сахабыт тыла сир симэҕин курдук сиэдэрэй, үрүйэ уутун курдук ыраас-дьэҥкир, муора уутун курдук дириҥ, баай өйдөбүллээх», – диэн  этиитин өссө бигэргэтээри, Бүтүн Арассыыйатааҕы күрэх  өрөспүүбүлүкэтээҕи түһүмэҕэр «Төрөөбүт тыл уонна литература Бастыҥ учуутала - 2023» күрэххэ Дьокуускай куораттан уонна 13 улуустан 14 саха тылын, литературатын уонна биир эбэҥки тылын учууталлара кытыннылар. Ол иһигэр  икки сылтан  саҕалаан, 33 сылга диэри ыстаастаах сэттэ үрдүк уонна аҕыс бастакы категориялаах учууталлар.

Улуу суруйааччыбыт  Амма Аччыгыйа: «Сахабыт тыла сир симэҕин курдук сиэдэрэй, үрүйэ уутун курдук ыраас-дьэҥкир, муора уутун курдук дириҥ, баай өйдөбүллээх», – диэн  этиитин өссө бигэргэтээри, Бүтүн Арассыыйатааҕы күрэх  өрөспүүбүлүкэтээҕи түһүмэҕэр «Төрөөбүт тыл уонна литература Бастыҥ учуутала - 2023» күрэххэ Дьокуускай куораттан уонна 13 улуустан 14 саха тылын, литературатын уонна биир эбэҥки тылын учууталлара кытыннылар. Ол иһигэр  икки сылтан  саҕалаан, 33 сылга диэри ыстаастаах сэттэ үрдүк уонна аҕыс бастакы категориялаах учууталлар.

Кулун тутар 14 күнүгэр С.Н. Донской-II аатын сүгэр Үөрэҕи сайыннарар уонна идэни үрдэтэр институт аактабай саалатыгар, ону тэҥэ куорат сахалыы тылынан үөрэтэр оскуолаларыгар - Саха-гимназияҕа уонна Дьокуускайдааҕы национальнай гимназияҕа - идэлээх куонкурус бастакы түһүмэҕэр аһаҕас уруоктар, уонна тус идэ уратытын  көрдөрөр хайысхалаах методическай мастарыскыайдар буоллуллар.

111

Учууталлар уруоктарыгар ыччат кэскилин бигэ тирэҕэ, төрөөбүт ийэ тыл сүмэтэ, ааҕар дьоҕуру сайыннарарын итэҕэтиилээхтик көрдөрдүлэр. Сөптөөх ньыманы туһанан,  уруогу аныгылыы, оҕо интэриэһин тардан ыытыы, ол эбэтэр, «Хайдах мотивациялыыбыт?» диэн ыйытыыга хоруй биэрии хас биирдии кыттааччыны  долгутара арылхайдык көһүннэ. Кыттааччылар төрөөбүт төрүт тыл холбукатыгар оҕо уйулҕатын сөп түбэһиннэрэн, олоҕу кытта ситимнээх сорудахтары толотторон, уруоктары чаҕылхайдык, эрэллээхтик, үрдүк таһымҥа ыыттылар. Мастарыскыай түһүлгэтигэр учууталлар бырайыактыыр үлэлэрин ситимнээн, санааларын сааһылаан, истээччилэргэ тиэрдиини ситиһэн, албастарын, кистэлэҥнэрин арыйдылар, көрөөччүлэри кытта санаа үллэстиитин олохтоотулар уонна дьүүллүүр сүбэ ыйытыктарыгар дьоһун хоруйдары биэрэн астыннардылар.

a204bf7c 4da7 4713 9713 5d6e3e924ee5

Икки күрэх түмүгүнэн, аҕыс  бастыҥ кыттааччы II түһүмэххэ салгыы кыттар чиэскэ тигистэ. Кинилэр талбыт хайысхаларынан, кылаас чааһын  биэриэхтэрэ, маастар кылаас көрдөрүөхтэрэ. Лауреаттарга ситиһиилэри баҕарабыт:

- Мындааба орто оскуолатын учуутала Нюрбина Васильева (Уус Алдан);

- Данил Степанович  Слепцов аатынан Эбээх орто оскуолатын учуутала Евдокия Ефимова (Орто Халыма);

- Дьокуускайдааҕы «Айыы  кыһата» национальнай гимназия учуутала Светлана Липатова;

- Афанасий Осипов аатынан биирдиилээн биридимиэттэри дириҥэтэн үөрэтэр хайысхалаах  Бэрдьигэстээх орто  оскуолатын учуутала Кэскилээнэ Лукина (Горнай);

- Николай Николаевич Чусовской аатынан Антоновка орто оскуолатын учуутала Светлана Семенова (Ньурба);

- Эрилик Эристиин аатынан Чакыр орто оскуолатын учуутала Семен Яковлев (Чурапчы);

- Аллаҥа орто оскуолатын учуутала Любовь Уарова (Сунтаар);

- Архип Георгиевич Кудрин-Абаҕыыныскай  аатынан Абаҕа орто оскуолатын учуутала Раиса Уйгурова (Өлүөхүмэ);

- Назар Харлампьевич Дьяконов аатынан Тыайа орто оскуолатын учуутала Вера Фөдорова (Кэбээйи).

fa043f15 29d2 4769 b2be 51b8a1a4baf1

Дария Санникова, Үөрэҕи сайыннарар уонна идэни үрдэтэр институт пресс-киинэ

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением