Бу маннык дьаһаныы бары өттүнэн табыгастаах. Бастатан туран, оскуола тиийбэт кыһалҕатын быһаарарга тоҕоостоох. Киин куораппытыгар уонна тулатынааҕы бөһүөлэктэригэр барыта холбоон 51 оскуола баар. Онно уопсайа 47 тыһыынча оҕо үөрэнэр. Онон билигин хайдах да биир симиэнэҕэ көһөр кыах суох. Өскөтүн орто анал үөрэх 10 кыһатын, холобура, "Кангалассы" ТОР диэки кампус тутан көһөрдөхтөрүнэ, олор дьиэлэрин оскуола оҥоруохтара. Оччоҕо куорат киинигэр бэлэм оскуола бөҕө баар буола түһэр.
Иккиһинэн, устудьуоннар тупсаҕай тутуулардаах, күөҕүнэн суугунаабыт, аныгы ирдэбилгэ толору эппиэттиир кампустарыгар үрдүттэн олорон үөрэнэр буолуохтара. Үсүһүнэн, итинник сомоҕолоһуу үөрэх 4,5 тыһыынча миэстэтин таһаарыаҕа. Төрдүһүнэн, билиҥҥи олоххо ирдэниллэр хайысхаларга уһуйуохтара: “ньиэп-гаас”, “ювелирнай тааһы кырыылааһын”, “информатика уонна суоттуур тиэхиньикэ”, “роботехника”, “информация эйгэтигэр куттала суох буолууну хааччыйыы”, “электроника”, “радиотехника уонна сибээс систиэмэтэ”, “электротехника”, “энэргиэтикэ”, “тыа хаһаайыстыбата”, “сир тырааныспара”, “туризм уонна ыалдьытымсах буолуу”, “олох-дьаһах хаһаайыстыбата”, “метерология уонна экология”.
-
0
-
0
-
0
-
0
-
0
-
0
