2020 сылтан эбии 94 бүддьүөт миэстэтэ баар буолбут. 2021-2022 үөрэх дьылыгар 4154 бүддьүөт миэстэтэ, олор истэригэр 801 целевой миэстэ баар. Целевой миэстэлэр үрдүк үөрэх бырагырааматынан эрэ бэриллэллэр. Быйыл мэдиссиинэ үөрэҕэр үгүс целевой миэстэ анаммыт.
Абитуриеннар докумуоннарын үс көрүҥүнэн биэриэхтэрин сөп: ХИФУ сайтыгар киирэн, абитуриент тус кэбиниэтинэн, "Госуслуга" порталыгар «Үрдүк үөрэх кыһатыгар онлайн туттарсыы» сервис нөҥүө уонна почтанан. Бэс ыйын 20 күнүнээҕи туругунан, ХИФУ сайтын абитуриент тус кэбиниэтин нөҥүө 60 киһи регистрацияламмыт, 22 абитуриент сайабылыанньаларын ыыппыттар.
Киин приемнай хамыыһыйа начальнига Елизавета Ильина иһитиннэрбитинэн, орто анал үөрэххэ туттарсыыга докумуоннары атырдьах ыйын 10-15 күннэригэр, бакалавриатка – от ыйын 15-29 күннэригэр, магистратураҕа уонна аспирантураҕа атырдьах ыйын 10 күнүгэр, ординатураҕа атырдьах ыйын 5 күнүгэр диэри докумуоннары ылыахтара.
-
0
-
0
-
0
-
0
-
0
-
0
