Туһааннаах дьаһалы РФ Бырабыыталыстыбатын бэрэссэдээтэлэ Михаил Мишустин илии баттаата. Ылыллыбыт дьаһалынан:
- 10,9 млрд солк. амбулатория усулуобуйатыгар мэдэссинискэй көмөнү ылар дьоҥҥо, эрэгийиэннэринэн хамсык утары босхо эмптэринэн хааччыйарга туһаайыахтара;
- 475 мөл. солк. аныгылыы криогеннай кислород араарар оборудование атыылаһыыга ороскуоттарын толуйууга ананар. Бу кислороду харгыһа суох оҥорон таһаарыыга уонна мэдиссиинэ тэрилтэлэрин хааччыйарга көмөлүөҕэ;
- 5,09 млрд. солк. мүнүүтэҕэ 1 тыһ. тахса лиитирэлээх кислород концентраттарын атыылаһыыга наадыйар дойду 50 субъектара ылыахтара. Ордук үбүлээһин Ставропольскай кыраай (322,9 мөл. солк.) уонна Челябинскай уобалас бүддьүөттэригэр (226,8 мөл. солк.) түһүөҕэ.
Хамсык утары охсуһууга эбии үбүлээһини аныыр туһунан, дойду Бырабыыталыстыбатын иһинэн Координационнай сэбиэт президиумун мунньаҕын ыытыы хаамыытыгар биллэриллибитэ. Мунньахха дойду үрдүнэн үөскээбит кутталлаах эпидемиологическай балаһыанньа, санитарнай быраастар мэктиэлэрин тутуһуу, ону сэргэ нэһилиэнньэ вакцинациялааһын таһымын үрдэтэр тустарынан дьүүллэстилэр.
-
0
-
0
-
0
-
0
-
0
-
0
