Эрэгийиэннээҕи Киин быыбардыыр хамыыһыйа биллэрбитинэн, өрөспүүбүлүкэбитигэр 646528 быыбардааччы баар эбит.
Саха сирин олохтоохторо РФ Судаарыстыбаннай Думатыгар дьокутааппытын 9 хандьыдааттан талыахпыт. Бастаан утаа 12 киһи күрэстэһэргэ баҕатын биллэрбитэ. Ол эрээри 3 хандьыдаат ирдэбилгэ эппиэттиир илии баттааһынын атырдьах ыйын 4 күнүгэр диэри кыайан хомуйбакка, регистрацияны ааспатахтара.
Аны туран, “Университет” (3-с №-дээх) уонна Халыма-Индигиир (34-с №-дээх) биир мандааттаах быыбардыыр уокуруктарыттан Ил Түмэҥҥэ дьокутааттары талыахтара.
Ону таһынан өссө кэккэ оройуоннарга муниципальнай быыбардар буолуохтара.
Саха Өрөспүүбүлүкэтин Киин быыбардыыр хамыыһыйатын бэрэссэдээтэлин солбуйааччы Иван Андросов эппитинэн, 25 оройуон ыраах сытар, суола-ииһэ мөлтөх нэһилиэнньэлээх пууннарыгар болдьох иннинэ куоластааһын саҕаламмыт. Билиҥҥитэ 5703 киһи быыбарга кыттыбыт.
-
0
-
0
-
0
-
0
-
0
-
0
