Судаарыстыбаннай Дума быыбара бүгүҥҥүттэн саҕаланна. Үс күн ыытыллыаҕа: балаҕан ыйын 17- 19 күннэригэр.
Бу 2021 сыл муус устарыгар РФ Бэрэсидьиэнэ Владимир Путин элбэх күннээх куоластааһыҥҥа аҕытаассыйаны буойар “день тишины” диэн быраабыланы суох гынарга илии баттаабыта. Онон билигин көҥүллүк аҕытаассыйалыыр бырааптааххын.
Быыбар РФ Конституциятынан, «РФ Федеральнай Мунньаҕын Судаарыстыбаннай Думатын дьокутааттарын быыбарын туһунан» сокуонунан уонна да атын нормативнай быраап аахталарынан сүрүннэнэр.
Барыта 450 дьокутаат талыллар: 225 дьокутаат – биир мандааттаах быыбардыыр уокуруктартан (биир уокурук – биир дьокутаат) уонна 225 дьокутаат – бэлитичэскэй баартыйалартан.
Быыбардыыр учаастакка бэйэтигэр кэлбэккэ, дьиэҕэ олорон, «мобильнай быыбардааччы» диэн ньыманы туһананан куоластыахха сөп. Онуоха балаҕан ыйын 13 күнүгэр диэри сайабылыанньаҕын биэрбит буолуохтааххын.
Быйылгы быыбар хандьыдаатын ахсаанынан рекорду олохтоото. Ол курдук, баартыйалар федеральнай испииһэктэринэн 3 тыһ. тахса уонна биир мандааттаах уокуруктартан 1,5 тыһ. хандьыдаат Госдума дьокутаата буоларга дьулуһар. Холобур, Ульяновскай уобаласка 2003 сылтан буолбатах күрэстэһии үһү. Биир уокуруктарыттан 13 киһи турбут. Новосибирскай уобаласка биир мандааттаах 4 уокурукка -- 43 хандьыдаат. Дьэ, онон быыбар тыҥааһыннаах буолара күүтүллэр.
-
0
-
0
-
0
-
0
-
0
-
0
