Мунньахха үс өттүттэн - профсоюзтар, үлэ биэрээччилэр уонна былаас уорганнара партнердыы сыһыаннаһыыларын тула кэпсэттилэр. Дириҥ ис хоһоонноох сөбүлэҥҥэ муус устарга илии баттаныа. Саҥа докумуон Үлэ сылыгар олоххо киирэрэ ураты суолталаах буолара саарбахтаммат. Манна Ил Дархан Ил Түмэҥҥэ этиитин соруктара ыйыллыахтара.
Айсен Сергеевич бэлиэтээбитинэн, үлэ көдьүүстээх уонна таһаарыылаах буолара сүрүн боппуруос. Кини үрдүк технологиялаах производствоҕа инвестициялары элбэтэргэ сыал туруорда. Эдэр көлүөнэни үлэнэн уһуйан, бэйэлэрин кыахтарын таһааралларыгар ураты болҕомто ууруллуохтааҕын эттэ. “Олохтоох каадырдары бырамыысыланнаска” бырайыак салгыы үлэлииригэр, бу бырайыагынан 2022 сыллаахха 12 тыһыынчаттан тахса ыччат үлэ булуммутун бэлиэтээтэ.
Мунньах кэмигэр үлэһит киһи дохуотун улаатыннарыыга болҕомто күүһүрүөхтээҕэ этилиннэ. Дьарыктаах буолууга социальнай хантараак мэхэниисимнэрэ көмө буолуохтара. Бу сыалга Ил Дархан көҕүлээһининэн 1 млрд солкуобай көрүллүбүт.
Маны сэргэ Өрөспүүбүлүкэ Бырабыыталыстыбатын бэрэссэдээтэлин солбуйааччы Ольга Балабкина бу сылга ыытыллар тэрээһиннэр былааннарын туһунан кэпсээтэ. Мустубут дьон ыытыллар тэрээһиннэри сэргии иһиттилэр, итиэннэ сөптөөх дьаһалы ылынарга этиилэри киллэрдилэр.
-
0
-
0
-
0
-
0
-
0
-
0
