РФ Бырамыысыланнаска уонна атыыга-эргиэҥҥэ министиэристибэтигэр маннык бирикээс от ыйын 17 күнүттэн олоххо киириэҕэ. Бу иннинэ «Ростех» хампаанньа тэрилтэлэригэр «Apple» корпорация технологияларыттан быһаччы аккаастаммыттара. Манна хааччахтааһын үлэҕэ туһанарга эрэ сыһыаннаах. Ол эрээри, дойду бэлитииктэрэ инникитин iPhone төлөпүөнүнэн эрэ муҥурдамматтарыгар сабаҕалыыллар.
Билигин iPhone төлөпүөнү үлэҕэ туһаныллара табыллыбата ыйыллар, оттон тус бэйэҕэр көҥүллэнэр курдук. Бу үксүн туһааннаах биэдэмистибэ быһаарыытыттан тутулуктаах. Ханна эрэ олох кытаанахтык ирдэниэҕэ, баҕар, атыттарга сымнатыылаах хаалыаҕа.
Санаттахха, ФСБ уонна ФСО Apple корпорация төлөпүөннэригэр шпионскай бырагырааманы (вирус) булбуттара. Манна Америка хампаанньата барытын утарбыта. Оттон 2010 с., Британия учуонайдара «Айфон» төлөпүөннэр уонна «Айпэд»-тар «3G» мобильнай сибээс технология көмөтүнэн, төлөпүөн хаһаайына ханна сылдьыбытын барытын бэлиэтиирин туһунан иһитиннэрбиттэрэ. Экспердэр маннык дааннайдары кистэммит файлга харалла сыталларын булбуттар.
-
1
-
0
-
0
-
0
-
0
-
1
