-- Социальнай эйгэҕэ сөптөөх болҕомто ууруллубут. Дьиэ кэргэни өйөөһүн, демография уонна оҕо доруобуйатын боппуруостара бастакы уочаратынан таарыйылыннылар. Норуокка харыстабыллаах сыһыан, көмүскэллээх буолуу национальнай бэлиитикэ быһыытынан инники күөҥҥэ сылдьыаҕа. Бэрэсидьиэн дойду үрдүнэн оҕо төрөөһүнэ түспүтүн эттэ. Ол эрээри, Саха сиригэр ити көрдөрүү үчүгэй, бу хайысхаҕа өссө ылсан үлэлиэхпитин наада. Кини 2030 сылга нэһилиэнньэ орто сааһа 78-ка тэҥнэһэрин ситиһэр соругу туруорда.
Мин санаабар, көмө миэрэлэрэ социальнай өттүнэн тэҥэ суох буолууну суох оҥорууга уонна дьадайыыны утары охсуһууга туһаайыллаллар. Ийэ хапытаалын биэрии 2026 сылга уһатыллыбыта уонна индексацияланара олус үчүгэй, саамай сөптөөх дьаһал.
Владимир Путин аан бастакытын аҥаардас төрөппүттэргэ болҕомтотун уурда, көмө харчы бэриллэр буолла. Соҕотох ийэлэр өрүү көмө көрдүүллэр. Биһиэхэ быраактыка быһыытынан, толору састааптаах дьиэ кэргэҥҥэ эрэ өйөбүл оҥоһуллар. Бэрэсидьиэн алимены төлөөһүҥҥэ болҕомтону уурда. Мантан инньэ суут «бириигэбэригэр» олоҕуран, тустаах боппуруоһу быһаарыы ыраахтан оҥоһуллара оҕо быраабын көмүскээһин буолар. Ол курдук, нэһилиэнньэ судаарыстыбаннай көмөнү түргэнник ыларыгар «Биир кэлим түннүк” хайаан да баара ирдэнэр. Аны туран, төрөппүт үлэтин ыстааһыттан тутулуга суох больничнайга барбыт күннэрэ толору төлөнөр буолла. Бу этиини «Биир ньыгыл Арассыыйа» баартыйа киллэрбитэ. Бу эдэр ыалларга олус сөптөөх дьаһал. Оҕо ыалдьар кэмигэр төрөппүтэ хайаан да аттыгар баар буолуохтаах.
-
0
-
0
-
0
-
0
-
0
-
0
