Издательский дом Редакция Подписка
Погода в Якутске: . -8 oC

Аартыкатааҕы доруобуйа харыстабылыгар саҥа хардыылар наадалаахтара ыйылынна. Чуолаан тыйыс килиимэттээх, ыраах уонна уустук усулуобуйаҕа олорор нэһилиэнньэ доруобуйатын туругун кэтиир, чэбдигирдэр уонна эмтиир саҥа хайысха олохтонуоҕа.

Аартыкатааҕы доруобуйа харыстабылыгар саҥа хардыылар наадалаахтара ыйылынна. Чуолаан тыйыс килиимэттээх, ыраах уонна уустук усулуобуйаҕа олорор нэһилиэнньэ доруобуйатын туругун кэтиир, чэбдигирдэр уонна эмтиир саҥа хайысха олохтонуоҕа.

«Быраас тиийбэтинэн, сороҕор ыарыһахтар эмтиир тэрилтэлэргэ сатаан тиийбэттэринэн сибээстээн, саҥа быһаарыылары ылынарбыт оруннаах. Хотугу этностар генопуондаларын харыстааһын туспа хайысхата буолуохтаах», -- диэн бэлиэтиир Айсен Сергеевич.

-- Хоту улуустарга көтөр аал билиэтин сыаната ыараханын бары бэркэ билэбит. Бу хайаан да быһаарыллыахтаах. Ол курдук, эһиил Аартыка 13 улууһун олохтоохторо, саастарыттан тутулуга суох, чэпчэтиилээх билиэтинэн туһаныахтара. 2022 сылга улуустарга көтүү субсидиятын үбүлээһинэ 100 мөл. солк. эбиллиэҕэ. Үүнэр сыл тохсунньу ыйыттан үлэҕэ киириэҕэ, — диэн эттэ.

Бырагыраама чэрчитинэн, Аартыкаҕа саҥа дьиэлэр тутуллаллар. Аартыка 5 оройуонугар элбэх кыбартыыралаах 11 дьиэ үлэҕэ киирдэ. Сыл бүтүөр диэри Үөһээ Халыма уонна Эдьигээн оройуоннарыгар икки дьиэ олохтоохторун көрсүөхтээх.

«РусГидро» корпорацияны кытта Аартыка оройуоннарыгар дизельнэй уонна күн сардаҥатынан барар электростанциялары киллэрэр гибриднэй  энергооройуоннары тутуохтара. Балаҕан ыйын 2 күнүгэр Илиҥҥи экэнэмиичэскэй форум чэрчитинэн, бастакы маннык ыстаансыйа Үөһээ Дьааҥы улууһун Табалаах сэлиэнньэтигэр саҕаланна. Үлэ салгыы барыаҕа, 2024 сыл бүтүөр диэри өссө саҥа көлүөнэ 71 электростанцията үлэҕэ киириэҕэ. Бу уматыкка ороскуоту 30 %-ҥа диэри кыччатыа. Уматык ороскуотун намтатыытын таһынан, углерода суох энэргиэтикэҕэ көһүүгэ уонна экологическай хоромньуну аҕыйатарга улахан хардыы буолар. Онон Аартыка айылҕата кэбирээн турар кэмигэр олус наадалаах дьаһал.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением