-- Мин бүддьүөтү ылыныыга тохсус төгүлүн кыттабын. Кэлэр сылга бүддьүөт дохуоттаах чааһа 264,5 миллиард солкуобайга тэҥнэһиэҕэ. Санатан эттэххэ, бу ааһан эрэр сылы 281 миллиард дохуоттаах түмүктээн эрэбит. «Ити хайдах ситиһилиннэ?» -- диэтэххэ, өрөспүүбүлүкэ экэниэмикэтин туруга бигэтийбитин, бырамыысыланнай хампаанньалартан киирэр нолуок үрдээн иһэрин түмүгэ буолар. Ол курдук өрөспүүбүлүкэ бүддьүөтүгэр нолуоктан уонна араас хомуурдартан барыта 151 миллиард солкуобай киирэр, онно эбии федерацияттан субсидия уонна субвенция быһыытынан 114 миллиард солкуобай кэлэр. Дьэ, ити сыыппаралартан таһааран, биһиги ороскуоппутун суоттанабыт. Өрөспүүбүлүкэ Бырабыыталыстыбата, үрдүкү салалтата дьокутааттар этиилэрбитин өйөөбүтүн түмүгэр, Аартыканы сайыннарыыга, үгэс буолбут төрүт дьарыктары, хотугу собуоһу өйөөһүҥҥэ, Бэрэсидьиэн В.В. Путин ыам ыйынааҕы ыйааҕар учуоттамматах, бүддьүөт «атын» дэнэр араҥатын хамнаһын үрдэтиигэ харчы көрүлүннэ. Тыа хаһаайыстыбытын салаатын өйөбүлэ эмиэ хайа да сыллааҕар үгүөрү буолла. Ити курдук, үбүлээһин кээмэйин улаатыннарыыга салаа барыта учуоттанна, онон, чахчы, астыннарар түмүктээх үлэ буолла. Бу үбү көдьүүстээхтик туһанан, үчүгэй түмүктэри ситиһиэхтээхпит.
-
0
-
0
-
0
-
0
-
0
-
0
